Vawiin chawhnu dar 1:00 khan AH & Vety hmalakna in P&E veng YMA Hall, Serchhipah Disease Surveillance Awareness Campaign neih a ni a. Aizawl atangin mithiam ten an rawn telpui a ni.

He hun Dr. C. Zarzokima, DVO kaihhruaiah hian Dr. F. Laltanpuia, DD (Hospital) chuan zirtirna a pe a. Mizorama ran hrileng dinhmun zirchian leh hri leng mai thei laka inven dan tur te, inven nana ram dang leh hmun dang atanga ran a luh loh a tul dan te, hri leng a lo awma a darhzau zel lohna tura hmalak dan  te, kum 2023 a Animal Disease Free State kan nih theihna tura hmalakna te leh sa, bawnghnute leh artuia kan intodelh theihna tura tan lak dan turte zirtirna a pe ani. Hemi hnu hian mipuite nena sawihona hun hman zui a ni a, Dr. Lalnunhlima Ralte, Deputy Director (Epidemiology) leh Dr. C. Neihthangpuii, Veterinary Officer (Hospital & Dispensary) ten an telpui bawk a ni.

Hetiang inzirtirna hi Fur kan thlen hma ngeia District hrang hranga neih chhuah vek hman tum a ni.