Central YMA leh Aizawl Civil Hospital tangkawp chuan Rangvamual-ah vawiin ni 23 May, 2013 hian Zu leh thil dangin a tihbuai avanga harsatna tawk mi engemaw zat chu an hriselna an endik sak.

Tunhnaia Central YMA in helai hmun an Survey tum khan Zu leh ruihtheihthil ti nasa tak tumahin an ngaihsak lem loh leh mahni pawh Doctor in entir nachang hre lem lo tam tak an awm tih hmuhchhuah an ni a.

Central YMA Kumpuan Sub-Committee member leh Rangvamual Branch YMA memberten hetianga dinhmun thalo leh derthawng taka awm te hi kakhawmin Dr. Jeremy leh a thawhpuite, Aizawl Civil Hospital chuan endikin - Thin, Kal, Pumpui leh a dang thalo engemawzat hmuhchhuah nghal an ni a, Drip khai nghal ngai leh hmuntha zawk pan nghal tura hriattir an awm nual bawk a ni.

Central hmalakna avangin Rangvamual leh Phunchawng-ah Zu in tur avan tak avang a ngawlvei tamtak chu an buai tan tak thu dawn anih avangin Hriselna endik hi Rangvamual-ah buatsaih a lo tul ta a ni.