Rashtrapati Scouts & Guides 2016 a tlingte hnenah ni 4.5.2017) tlai khan State Training Centre, Tanhril - ah Certificate leh Badge hlanna hun hman a ni. Hemi rual hian Rajya Puraskar sem a ni bawk.

India ram President-in heng Certificate leh Badge-te hi Rashtrapati Bhawan, New Delhi-ah sem a lo sem tawh a, Mizoram atanga dawng turte hi New Delhi a sem a nih lai hian School Session hun pawimawh nen a in nangchin avangin Mizoram atangin kal thei an awm ta lo a, Bharat Scouts & Guides National Headquarters, New Delhi chuan aremchan dan ang a lo sem mai tura State Heaquarters tih angin Rajya Puraskar (Governor Award ) Scouts & Guides Testing Camp State Training Centre,Tanhril a neih mek (1-5 May, 2017 ) ah sem a ni ta a ni.

Award semna Inkhawm hi Dr. C. Lallunghnema, Assistant State Commissioner (Scout) in a kai hruai a. Pu Zothanmawia, State Chief Commissioner & Director Sports & Youth Services ni bawk chuan Rashtrapati Award dawngte hnenah Rashtrapati Award Certificate leh badge a hlan a, India ram faina leh thianghlimnate vawng nungtute chu Scouts & Guides an nih zia leh khua leh tui tha ni zel turin a fuih nghal a ni. Pu Lalhmingliana, State Council Member & Principal 1st Bn MAP chuan lawmthu sawiin hun hi a khar a ni.