Nimin 5^th May 2017 khan Chief Secretary Pu Lalmalsawma, IAS chuan Thenzawla Tourism Department hnathawh kal lai mek ‘Integrated Development of New Eco-Tourism Destination under Swadesh Darshan’ hmun a tlawh.

Tourism Department hmalakna 'Integrated Development of New Eco-Tourism' hi hmarchhak biala tourism a than chhoh zel theih na atana Sawrkar Laipui ruahmanna thar Swadesh Darshan – North East Circuit hnuaia Mizorama project hmasa ber leh lian ber a ni a. He project pumpui hi Rs. 9490.96 lakhs hu niin, Thenzawl, South Zote leh Reiek ah te khualzin hipna tur hrang hrang buatsaih mek a ni.

Thenzawl Golf Resort hmun hi Rs. 6448 lakhs hu tura duan niin, international standard Golf Course puitling  kaw 18 nei leh hmun zau tak awh tur (18 hole Golf Course) sak mek a ni a. Golf Course hi Canada-a Golf Course architect firm Graham Cooke & Associates Inc - te design a ni. Golf Resort ah hian khualzin te riahna tur thing in (Eco Log Huts) sawmthum duan a ni bawk a, heng in sakna atana thingsiambik Pine Wood chuRussiaatanga lakluh niin, Russian mithiamten a hmunah awmchilhin hna an thawk mek a ni. Hemi bakah hian chaw eina hmun liantham tak Food Court, inhmuhkhawmna hmun (Convention Centre) changtlung tak, Pine wood hmanga sak Clubhouse, chawlh hahdamna leh khawthlirna hmun (Gazebo) te a awm dawn bawk a ni. Thenzawl Golf Resort project hi hmarchhak biala ‘Swadesh Darshan’ hnuaia hna kal chak ber te zing ami niin, March 2018 a hawn hman theih beisei a ni.

Chief Secretary hian a hmunah Tourism Department hotute leh Project Consultants-te Fore Consultants Private Limited, New Delhi aiawhte kawmin, hna kal lai mek leh hmachhawp hrang hrang te an thlirho a. Chief Secretary hi Pu Lalhmingthanga, IAS, Secretary, Rural Development Department, Pu V. Lalremthanga, IAS, Secretary, Tourism Department, Pi Sangchhin Chinzah, MCS, Deputy Commissioner Serchhip District leh official dang ten an tawiawm a ni.