2135/2022-2023  
Aizawl 30th September 2022: Vawiin khan Directorate of Women & Child Development, Social Welfare & Tribal Affairs Department-te chuan Rashtriya POSHAN Maah-2022 kharna hun Taxation Auditorium, MINECO ah an hmang. He programme hi Pi Lallianpuii, Director, Women & Child Development, Social Welfare & Tribal Affairs in a kaihruai a, Pi Donnie, MSS, Joint Secretary, Social Welfare & Tribal Affairs chuan he hun hi a hmanpui a ni.

Social Welfare & Tribal Affairs Director Pi Lallianpuii chuan kalkhawmte lawmna thu sawiin, Rashtriya POSHAN Maah hi kum 2018 atang khan kum tin September thlaah hman thin a nih thu a sawi. Pi Sailopari, Deputy Director, WCD chuan POSHAN Maah 2022 Mizoram chhunga hman dan report pein, Mizoram hmun hrang hranga Ministry of Women & Child Development-in a hman dan tur activity calendar a siamte hmanchhuah a nih theih avangin lawmawm a tih thu a sawi. Vawiina khuallian Pi Donnie pawhin thu sawiin kum 2022 Rashtriya POSHAN Maah hi 'Nutrition Month' a nih angin department mal chauhin tihhlawhtlin theih a ni lo a, hemiah hian line department hrang hrang - PHE, Health & Family Welfare Dept, MzSRLM, Rural Development leh a dangte thawhpuina zara hlawhtling a ni tiin lawmthu a sawi a. Mizoram hmun hran hrana thawktute a te ber atanga a lian ber thlenga an inpeknaah lawmthu a sawi bawk a, an zarah Mizote pawh hnam hrisel an nih theih ngei a beisei tlat thu a sawi bawk a ni.

He hunah hian Pi Zoramthangi Chhangte, Joint Director, Women & Child Development chuan kalkhawmte bakah Poshan Maah hlawhtlinna atana tha leh rilru thawh zawng zawngte hnena lawmthu a sawi.

POSHAN Maah hi Nutrition Month tihna a ni a, kum 2018 atang khan kumtin September thlaah hman thin niin, he hunah hian naupang chaw tha eitawk loh avanga an taksa chak lohna chi hrang hrang wasting, stunting leh underweight te bakah anemia avanga nu naupai leh tleirawl-a harsatna thleng te hmuhchhuah leh eitur hrisel ei pawimawhna chungchang inzirtirna hunah hman a ni thin a ni.