2134/2022-2023  

Dated Serchhip, the 30^th September, 2022: Vawiin khan Serchhip District Sanitation Task Force te chu Pu Lalmuansanga Ralte, Addl. DC hovin DC Meeting Hall ah an thukhawm a. Faina Hapta, 2022, October ni 2 atanga ni 8 inkara hman dan tur an rel.

State Level Committee in Faina Hapa hman chhunga ni indawta hmalak dan tur ruahmanna a siamte zul zuiin Faina Hapta, Serchhipa kalpui dan tur hi duan a ni a. Swachh Amrit Mahotsav pualin Faina Hapta chhung hian October ni 2 atanga ni 17 inkar chhungin bawlhhlawh thliar hran dan (Segregation of Waste at Source Campaign) inzirtirna kalpui tur a ni bawk a ni. 

Naktuk atangin veng hrang hrangten faina hnatlang an nei tan ang a, official-a a hawnna erawh chuan karleh Thawhtan ni a neih ni se, an ti. Hapta hman chhung hian Faina Palai (Ambassador) ten inah leh dawrah te, bazar hmunah te, pisaah te leh zirna inah te bawlhhlawh thliar hran dan inzirtirna an nei kual ang a, aurinna hmanga inhrilhhriatna te pawh kalpui tur a ni ang a, Serchhip khawpui chhunga veng fai inelna kalpui a ni bawk ang. 

Heng bakah hian Faina Hapta chhunga hmalak dan tur dangte pawh chipchiar takin an rel a, October ni 8 ah a kharna inkhawm buatsaih a ni leh dawn a ni.