1615/2025-2026

Aizawl, 26th September, 2025 : Women & Child Development, Urban Development & Poverty Alleviation Department, Mizoram Pollution Control Board leh PYD General Headquarters ṭangkawp chuan vawiin khan Rashtriya Poshan Maah 2025 (National Nutrition Month) & Swachhata Hi Sheva 2025 denchhenin Women & Child Development ‘Say No to Single Use Plastic & Promoting Eco Friendly Alternatives’ programme MINECO-ah an hmang a, hnatlang neih chhunzawm niin, MINECO chhehvel an tifai.

He Programme-ah hian Pi Sailopari, Joint Director, Women & Child Development Department chuan kalkhawmte lawmna thu sawiin, Rashtriya Poshan Maah, Ei leh in ṭha leh hriselna chungchanga ram pum huapa beihpui thlakna, National Nutrition Month a nih thu te, Ministry level aṭanga ruahmanna zula India ram State tina hman ṭhin a nih thu leh, Swachhata Hi Sheva Cleanliness is service, faina hi mitin mawhphurna, kan ram leh hnam tana mimal tinin kan thawh theih a nih thu a sawi. Ram changkang leh hrisel kan nih ve theih na atana pawimawh leh mitinin tha kan thawh ve theihna a nih thu kalkhawmte a hrilh a, he programme hi faina leh hriselna kawnga bul ṭan ṭhatna, ṭhalaite leh ram pum nghawng zel tur a rahbi thar a nih theihna turin kalkhawmte a chah.

Rev. B. Vanlalruata, President PYD N. Mizoram District chuan hunserh hmangin, Er. Benjamin Lalnunsanga Colney, Programme Officer, ECIACP Hub, Mizoram Pollution Control Board leh Pi Esther Vanlalmawii, Sanitation Expert, Swatch Bharat Mission, UD & PA Department-te hnen aṭangin thu pawimawh tak ngaithlak a ni.

Kalkhawmte hi inthendarhin Mizoram sawrkar hmunpui, MINECO leh a chhevel a remchang lai lai an tifai chhunzawm.