1616/2025-2026

Saitual, the 26th September 2025: Vawiin khan District Project Office, Samagra Shiksha, Saitual District chuan zirnain hma a sawn theih na tur District pum huap “Awareness Campaign & Hands-on Training on Vidyanjali” a buatsaih.

Vidyanjali (School Kaichhan) hi khawtlang, NGO, mimal leh zirna in te thawhhona niin, Vidyanjali-ah hian khawtlang, NGO leh mimal thahnemngai ten zirna in a an thiamna/theihna pek te chu a thawhtu hming leh an thil tihsak te nen Portal-ah tha taka upload thin a ni a, school te’n an tangkaipui thin hle a ni.

Vawiin training programme hi Pu R. Lalhmangaiha, Dy. DPC Saitual District-in kaihruaiin, Pu C. Vanlalhriatpuia, Project Assistant in Vidyanjali chungchang report a pe a, Pu Zionparlawma, Dy. State Project Director, Samagra Shiksha Mizoram chu Resource Person niin Campaign leh Training-na hun a hmang a ni.

He training-ah hian zirtirtu, Sawrkar leh Samagra schools – Primary atanga Higher Sec. School chin te, Sub-Hqrs YMA, Sub-Hqrs MHIP leh Saitual Town Area/a YMA leh MHIP Branch tin aiawh te an tel a ni.