1617/2025-2026

Dated Kolasib the 26th September, 2025: Vawiin khan Thingdawl ICDS Complex a Kolasib Observation Home sak thar chu Pi Lalzarmawii, Commissioner & Secretary , Social Welfare, Women and Child Development Department chuan a hawng.

He hun, Pi Zoramthangi Chhangte , Director WCD kaihhruai ah hian Khuallian, Pi Lalzarmawii chuan thu sawiin, Vawiin a an home hawn chu building pakhat hawnna mai ni lovin,ram leh hnam tan a pawimawh a ni tiin, naupang dan nena inremlo ten ngai awh a kawng dik an lo zawh a, insiamthatna an lo neih theih na hmun tur a ni, a ti. He Home ah hian naupang te chu an thiltih sual hriatsak reng lo in, anmahni chawikânna tur thil hrang hrang buatsaih a ni, a ti a . Zirna an mamawh te an dawng dawn a,Khawtlang leh ram tan mi chenfakawm an lo nih chhoh theih nan a inenkawlna leh inchherna tur hmun a ni, a ti.

He home a thawktute pawimawh na pawh tarlang in home leh child a thawktute chuan an hna chu hna ani satliah lo a, rawngbawlna a ni tih an hriat a pawimawh takzet a ni a ti bawk.

Pi Zoramthangi chhangte Director ,WCD pawh in thu sawiin, ICDS chu Mizoram ah 2012 ah in tanin tunah chuan Mission vatsalya tih a ni tawh a ni, a ti.

Heng Observation Home ah te hian naupang kum 18 thleng an awm theih thu sawiin Naupang enkawl dan hrang hrang - psychosocial counselling , counsellor te kal tlang a pek a ni, a ti a. Chung bakah chuan case work- anmahni leh family background zir chianna te neih thin a ni a ti . Individual care plan te, medical care te, recreational activities te thlenga kalpui a nih thu a sawi bawk.

Pu R. Rosangliana JE, WCD in technical report a a tarlan dan in, Thingdawl ICDS a observation home ahhian naupang 25 an leng thei a. Superintendent office leh home hi chhawng khat ve ve a sak a ni a. September ni 28 , 2023 ah sa tan in June ni 30, 2024 ah sak zawh a ni. Building pahnih belhkhawm sakna hi cheng 8,745,000 a ni a, hna thawktu , executing agency hi Women and Child Development Department te an ni.

Vawiin hunah hian Khuallian hi Director WCD leh Jt Secretary, Social Welfare,WCD Department ten an tawiawm a. Observation Home hawnna inkhawm ah hian  Kolasib SP, Pu David H Lalthangliana te, Pi B Malsawmtluangi, Addl DC Kolasib  te, CDPO leh DCPO Thingdawl te leh Kolasib a Home hrang hrang aiawhte leh sawmbik mi pawimawh te an tel a ni. Home hawnna inkhawm hi Pi C Lalremruati, DCPO Kolasib in lawmthu sawina a neih zawh in khar a ni.