1618/2025-2026

Lunglei, 2025 Mimkut thla ni 26: Lunglei District Level Committee on Green Mizoram (DLCGM) thu chhuak bawhzuiin Lungleia sawrkar department leh pawl hrang hrang chuan kumin Green Mizoram Day-a Lunglei tui lakna hnar, Pukpui ram chhung Tlawng leh Pialthleng panna kawngpui sira an thing phun chu tun kar chhung khan an tifai.

Kumin Green Mizoram Day (GMD) khan Lungleia sawrkar department, zirna in leh pawl hrang hrang 56 te chuan Lunglei tui lakna hnarah ram ngaw ṭha a lo awm a, tui hna a lo pun theih nan Pukpui ram chhung Tlawng leh Pialthleng panna kawngpui sirah hian thing ṭiak 1,200 vel an phun a. He'ng thing phunte hi hnimin a bawh nasat avangin leh, tihfai leh enkawl ṭhat a lo hun leh tak avangin DLCGM chuan thing phuntu department leh pawl hrang hrangte chu September ni 22 - 26, 2025 inkar chhungin an thing phunte tifai a, enkawl zui turin a ngen a. Hemi bawhzui hian Lungleia department leh pawl hrang hrangte chuan thing phun hi tifaiin, a hungna siam ṭhat ngaite an siam ṭha a. GMD 2025-a thing phunte hi a la nung ṭha hlawm viauva hriat a ni.