2465/2025-2026

Aizawl September ni 17, 2025: Vawiin khan Mizoram pumah Rashtriya Poshan Maah (National Nutrition Month) hawnna hun hman a ni a. Hemi pual hian Directorate of Women & Child Development chuan zirlai naupangte hovin Dawrpui Multipurpose Centre-ah “Adressing Obesity : Reducing Oil, Salt & Sugar Consumption & Inaugration of Rashtriya Poshan Maah, 2025” Programme an hmang.

He programme-ah hian Sikul naupangte leh College naupangte nen he programme hi hmanho niin, ei tur mawm, al leh thlum eiluat in hrisellohna a thlen theih chungchang zirtirna neih a ni. He hunah hian Nutrition Counselling-na hmun te, Nutrition Hub - Ei leh in hrisel tarlanna hmun leh Health Checkup - Anaemia Test, Weight leh BP check-na hmun buatsaih a ni. He Programme-ah hian Rashtriya Poshan Maah 2025 hawnna, Prime Minister-in a neih chu live telecast-a chhim a ni bawk.

Pi Sailopari, Joint Director, Women & Child Development chuan kalkawmte chibai bukin inlawmna thu a sawi a. Pi Zoramthangi Chhangte, Director Women & Child Development chuan thu sawiin he programme “Adressing Obessity: Reducing Oil, Salt & Sugar Consumption” chungchang hrang hrang sawiin, kan nitin ei leh inah kan in thunun ngaihna te zirtirna hun a hmang, kalkhawm te hmasawnna tur tam tak a rawn tarlang bawk a ni.

He progamme-ah hian tukțhuan hrisel (Healthy Breakfast) siamdan zirho niin, Anganwadi Workers Training Centre-a Instructress ten demonstration an nei a. Fitness Trainer hovin  “Bodyweight Boot Camp” hun hman ni bawkin taksa sawi zawi dan zirtir an ni a. Directorate of AYUSH aṭangin “Demonstration of YOGA” hun hmangin, taksa hrisel nan a pawimawhna entir a ni bawk.