Kumdanga tih thin ang bawkin naktuk hi Rastriya Ekta Diwas (National Unity Day) ah hman a ni dawn. He ni Ram Inpumkhatna Ni hi India zalenna sualtu zinga a sulsutu ber pakhat Sardar Vallabhai Patela pianchamphaphak denchhena hman thin a ni.
He ni hmanna tur hi zing dar 7 ah Sikul naupang 500 rualten Sikulpuikawn leh Chanmari kawn atangin 250 ve vea inthenin ‘Run for Unity’ an tlan anga, Lammualah an intawkkhawm ang. Sikulpuikawn atanga tlan turte hi Chief Secretary in a vailiam anga, Chanmari atanga tlan turte hi Commissioner & Secretary, School Education a vailiam ve thung dawn a ni.
Lammuala intawhkhawmna hi zing dar 7:45 a.m. tan a ni ang a, he hunah hian Governor Kummanam Rajasekharan kaihhruainain India ram inpumkhatna sawhnghehna turin a ruala thutiamna, ‘pledge taking’ neih a ni ang. He hun hmang tur hian sorkar chuan mi zawng zawng a sawm a, abik takin sorkar hnathawk Deputy Secretary leh Joint Director chin chunglam te chu tel ngei ngei turin a hriattir a ni.
