Vawiin chawhma dar 9:00am khan Gov't Higher Secondary School leh Gov't Middle School, New Siaha vengah  Kan hma lawka General Assembly Election neih tura Polling Officials 413 leh Sector Magistrate 15 te hnenah Master Trainer 13 ten training  an pe.

He Election Polling Official  te training hi Pu Zoengsanga,MCS DEO leh District Bawrhsap ni bawk chuan telpuiin, Trainees te hnenah fuihna thu tha tak a sawi a. Pu James Lalnunmawia,  Addl.DC leh 39-Saiha(ST) AC leh 40- Palak(ST) AC tana Returning Officer ni bawk chuan DEO hi a tawiawm bawk a ni.

Pu H.Zonunmawia, Election Officer chuan Training Observer niin he training hi a telpui bawk.

Vawiin Training -ah hian trainees te in register-na tur leh trainees te lo buaipuina tur counter 5 hawn a ni a. School Room 10-ah training hi kalpui a ni. Training tan hma hian  Postal Ballot hman dilna Form-12, Part number leh Serial number filled up sa veka Polling official te hnena semchhuah tawh chu lakkhawm  nghal vek a ni bawk.