No.581/2021-2022

Aizawl, 19th May, 2021 : Aizawl DC chuan Aizawl District huamchhungah ration Buhfai, Chini leh Khawnvartui khaihlak lohva sem a nih theih nan hetiang hian vawiin May ni 19 hian thupek a tichhuak.

Government of Mizoram, Directorate of Food, Civil Supplies & Consumer Affairs lehkha No.B.99011/2/2021-DTE(SPY)M&M/44 Dt. 11.5.2021 in a tarlan angin Public Distribution System (PDS) commodities (Buhfai, Chini leh Khawnvartui) te hi mipui tan khaihlak lova sem a nih theih nan theihtawpin hma an la mek a. Heng bungraw phur motor ten “Total Lockdown” karah PDS commodities phurh leh thiar chungchanga harsatna an tawh loh nan PDS sticker an tar ngei ngei tur a ni a. Heng sticker te hi PDS sticker commodities phurh leh sem nan bak thil dangah hman sual a nih loh nan a hnuaia inkaihhruaina tarlante hi an zawm ngei ngei tur a ni:

1. “PDS COMMODITIES ONLY” sticker hi PDS item (ration dawr a sem tur buhfai, chini leh khawnvartui) phur motor-ah te chauh tar tur a ni a, heng bungruate hi an phur zo tawh emaw, a validity a ral tawh a nih chuan sticker hi hlih/paih tur a ni.

2. Motor veivak lo check tu Police, COVID-19 Executive Duty emaw VLTF/LLTF te chuan sticker-a validity inziak an en tel bakah sticker belna motor driver khan FCS&CA Department atanga pek chhuah Delivery Order/Despatch Challan a nei ngei em tih finfiah tel ni se. Sticker chauh in bel, Delivery Order/ Despatch Challan keng tello motor te chu dan angin Police, COVID-19 Executive Duty emaw VLTF/LLTF te’n action lo lak zel tur a ni.

3. Delivery Order/Despatch Challan te pawh hi validity nei vek an nih avangin a valid hun chhung atan chauh hman theih a ni.

4. Public Distribution System (Buhfai, Chini leh Khawnvartui) phur tura che chhuak tur motor-te chuan Delivery Order/Despatch Challan te hi DCSO Office/Supply Godown atanga la chhuah chawp tur an nih avangin LLTF/VLTF te hriatpuina an la hmasa tur a ni.

5. An bungrua an thlen fel tawh hnu chuan Public Distribution Sysytem item ni lo phurh leh chet vel nan he sticker hi an hmang tur a ni lo.