No.580/2021-2022

Aizawl, 19th May, 2021 : Vawiin khan Commerce & Industries Minister Dr R. Lalthangliana hovin a pisa ah COVID-19 hripui leng vanga sa leh thlai man to lutuk khuahkhirh dan tur sawiho a ni a. He sawihona ahn hian Horticulture Development Board Vice-Chairman Dr. F .Lalnunmawia, MLA, Pi Esther Lalruatkimi, Commissioner & Secretary, Commerce & Industries, DM&R Secretary Pi Lalbiaksangi, Horticulture Director Pi Elizabeth Saipari, Aizawl district bawrhsap Dr Lalhriatzuali Ralte, Aizawl SP Pu C. Lalruaia, Aizawl City Local Council Association secretary Pu Vanlalhruaia bakah Commerce & Industries leh I&PR officialte an tel a ni.

Meetingah hian Commerce & Industries Minister Dr R. Lalthangliana chuan tunlai lockdown vuakveta dawr hawn leh bazara thlai leh theirah bakah sa zawrh dan tur a ruahmanna siam chu a tirah buaina tawk deuh mahse a hnuah chuan a felfai thain ahriat thu a sawi a, mipuite pawhin sawrkar inkaihhruaina an zawm tha sawt hle tih nimin lam bazar boruak atangin a hriat a, a lawmawm takzet a ni, a ti a. Thlai thar leh tgheirah bakah sa man to lutuk chungchangah ,mipui zawng zawng dawl zawh tawka ruahmanna siam a tul thu a sawi a ni.

Aizawl district bawrhsap Dr. Lalhriatzuali Ralte chuan bazara thil zawrh dan tur leh nepnawi, nitin mamawh zuartute zawm tur ruahmanna thar an siam chu sawifiahin vawiinah hriattirna an tihchhuah hman a beisei thu a sawi a, he ruahmanna hi SOP zawm chunga kan hman tangkai tlan theih ber tur a nih a rinawm thu an sawi a ni a. Sa leh chawhmeh veng tina zawrh chun gchangah hian Local Task Force ten en tangruala ruahmanna fel tak siam a tul tih sawi niin hemi atana hmalak dan tur tha nia an hriatte an sawiho a ni.

Kar hmasa lama sa, chawhmeh leh theirah man bazara kalpui a nih dan an thlirho hnuah leh Local Task Force te leh Police te report ngaihthlak a nih hnuin COVID-19 hripui len chhunga sa, chawhmeh leh thei man bithliah tur committee din an rel a. He committee hi Aizawl district bawrhsap kaihhruaina hnuaiah din tur niin, sa, chawhmeh leh theirah bazara hralhna man tur an bithliah ang a, a tul dan azirin hei hi an ennawn fo dawn a ni. Hei bakah hian heng thil hralhna man bithliah zawm lote hremna tur pawh ruahman a ni ang.