Inrinni kalta (16.5.2015) khan Reserve Bank of India buatsaihin Central YLA Hall, Lawngtlai ah Bank leh a dawr dan chungchanga inzirtirna Financial Literacy Camp buatsaih a ni.
Reserve Bank Of India,Guwahati ten an buatsaih Pawisa leh a enkawl dan chungchang inzirtirna hun hi Pu V.Lalsawmliana Branch Manager, Mizoram Rural Bank, Lawngtlai Branch chuan kaihruaiin, Pu Saibal Chakraborty, AGM, Reserve Bank Of India, Guwahati chuan proggramme sawi hawnna hun a hmanga, Pu Lalrokunga Chhakchhuak, DDM NABARD chuan Zirlaite tan Account neih dan tur te, retheite inhlawhna MNREGA Scheme kalpui mekah mitinin Account neih chungchang te, Gas Connection nei tan te, Self Help Group tana Bank Account pawimawhna te Sawrkar laipui ruahmanna anih thu leh mitin ten ngaih pawimawh a tul thute sawifiahna hun a hmang bawk.
Hemi hnu hian Pu MT Muanding Guite, AGM, Reseve Bank Of India, Guwahati hnen atangin Pawisa khawl leh hman dan chungchang a lem nen a entirin zirtirna a pe a, Bank Account chu Document pawimawh tak a nih tawh dan te, fing zawka pawisa dahthat dan te, sum dahna him leh him lo hriat dante bakah thil pawimawh dang dang a zirtir a ni.
He Campaign a tel tura sawm Central YLA, MHIP leh LWA bakah Self Help Group 32 te chu thilpek an hlan vek an ni a, zirlai kal khawmte tan Quiz Competition, lawmman tha tak awmna an buatsaih sak bawk.
