Nimin (11.9.2018) khan Plenary Hall, Vigyan Bhawan, New Delhi ah rampum huapa hnathawk tha lawmman semna hun, National Awards Distribution Function chu Ministry of Rural Development chuan a huaihawt a. He award distribution hian, Ministry of Rural Development hnuaia scheme hrang hrang a State ti tha zual te hnenah lawmman sem chhuah niin Mizoram sawrkar pawhin hnathawktha lawmman chu Mahatma Gandhi National Rural Employment Guarantee scheme hnuaiah category 4-ah a dawng a ni.

India ram pumah, State initiative on Geo-MGNREGA ah lawmman pathumna, Iimplementation of good governance initiative ah pangana, Highest completion-ah lawmman pakhatna leh Implementation of Bare Foot Technician project-ah State Administrative Department leh State Institute of Rural Development (SIRD) chuan category khat-ah lawmman pakhatna an la bawk a ni. Shyama Prasad Mukherjii Rurban Mission (SPMRM) hnuaia Best performing State in the Country category-ah lawmman pahnihna a la a. State Rural livelihood Mission a livelihood category hnuaiah State hnathawk thazual sawmpakhat zingah Mizoram chu telin lawmman a la bawk a ni.

Lawmman hi Mizoram aiawh in RD Commissioner and Secretary Pu Lalhmingthanga, R.D, Pi K Lalrinzuali, Additional Secretary, R.D leh State Nodal Officer Pu Paul L khuma Under Secretary, RD ni bawk te chuan MGNREGA leh SPMRM hnuaia lawmman te chu Pu Narendra Singh Tomar, Union Rural Development Minister hnen atangin an dawng a. Bare Foot Technician, SIRD category hnuaiah Pi Maria CT Zuali Director, SIRD in a dawng a. SRLM hnuaiah Pi K Lalrinzuali, State Mission Director, Pi Chhandami, CEO MzSrlm leh Dr Zomuankima, State Mission Manager ten an dawng bawk a ni.