2045/2022-2023
Aizawl 23rd September 2022: Vawiin khan Rural Development Minister Pu Lalruatkima hovin a office chamber-ah Project Director te nen an hmalakna hrang hrang leh an kal zel dan tur sawihona an nei.

Minister Pu Lalruatkima chuan DRDA kalphung thin te lo danglamin, Cabinet ten ngaihtuahin kan dil angin sorkar chuan kan dinhmun ngai luah turin min buatsaih avangin lawmawm a tih thu a sawi a. Hemi hlawhtlin theihnana hmalatu leh ngaihtuahna sengtu te chungah lawmthu a sawi bawk a ni. Harsatna zualpui tam tak kal pelh a nih hnuah insiamrem ngai tamtak a awm a, chungte chu Administrative level a sawiho ngai leh thuneihna sang changtu te ngaihtuah tura buatsaih a ngaih avangin vawiina sawihona hi koh a ni a ti.

Sawihona-ah hian DRDA remaining staff la awm te hlawh chungchang te, DRDA hnuaia thawktu nghet lo te chungchang leh DRDO kal dan tur sawi ho a ni a, heng bakah hian SEGC meeting tur chungchang thlirlawkna leh Agenda tur chungchang te sawiho a ni.