246/2025-2026

Dated Aizawl the 22nd April 2025: Vawiin khan Rural Development Department changtu Minister Prof. Lalnilawma chuan, Mizoram State Rural Livelihood Mission Staff Welfare Association General Body Meeting, Chanmari YMA Hall, Aizawl-a neih chu khuallian niin a hmanpui.

He hunah hian khuallian Minister Prof. Lalnilawma chuan thusawiin, kum 2013 atanga MZSRLM lo zik chuah dan leh a hlawhtlinna leh hmalakna hrang hrangte a sawi a. State hmasawnna chu zokhaw lama hmasawnnna tel lo chuan a tluantling thei lo tih sawiin, chumi atana MZSRLM hmalakna chu a pawimawh hlein, MZSRLM chu Midangte tana malsawmna ni fo thin a ni  tih a sawi a. MZSRLM hmalakna avanga zokhaw lama thalaite tana eizawnna kawng inhawngte, Ropuiliani Women Self-help Group Producer din a nite  chu ram pum huaap pawha chhuanawm a tih thu sawiin, hmalakna lawtling leh zual nei thei turin thawhhona (teamwork) ngaipawimawh chhunzawm zel turin kalkhamwte chu a chah nghal a ni.

Vawiina MISWA GBM hi Pu C Lalruatfela, Chairman MISWA chuan kaihruaiin, Pu Zoramthara DFS Mamitin kalkhawmte lo lawmna thu a sawi a. Pi C Vanlalhruaii, BMM Zawlnuamin hun serh hmangin, Pu  Lalduhawma, Secretary MISWA chuan June 2023 atanga April 2025 inkara  pawl hmalaknate report a pe a. Pi Zosangzuali Pachuau, CEO MzSRLM hnen atangin thu sawi ngaihthlak a ni a. Jeremy L Renthlei, Vice Chairman MISWA chuan lawmthu sawiin hun hi a khar a ni.