950/2023-2024

Puilo, 28th June, 2023 : Rural Development Minister Pu Lalruatkima chuan vawiin chawhma khan cheng nuai 292.98 senga sak Puilo RURBAN Commercial Centre a hawng.

Hawnna puala inkhawm Puilo RURBAN Commercial Centre chhunga buatsaihah khuallian Pu Lalruatkima chuan thu sawiin thingtlang khua in hma an sawnna turin scheme hrang hrang kaltlangin Rural Development Department in hna a thawk a, India ramah SPMRM cluster 300 awmin Mizoramin cluster 4 - Aibawk RD Block, Khawzawl RD Block, Thingsultliah RD Block leh East Lungdar RD Block kan nei a. Thingtlanga cheng ten eizawnna ngelnghet leh tlo an neih theihna tura kawng kawhhmuh hi he Mission hian a tum ber a nih angin heti lam hawi zawng hna tam tak kan thawk a, a hlawhtlinna kan hmu chho zel hi a lawmawm takzet a ni, a ti.

Khuallian chuan khawvel hmasawnna kawnga ke kan pen naah vawilehkhatah khawvel dang hmasawnna kan nei nghal vek thei lova, keimahni theihna leh inbuatsaihna nen kalkawpin kan phak chin chinah rualpawl turin theihtawp kan chhuah zel a ni, a ti a. Puilo Commercial Centre sakna tur hmun petu Puilo khawtlang hruaitute chungah lawmthu a sawi a, dimdawi tak leh hmangaih taka enkawl tura chahin Puilo khua leh a chhehvel khua te tana malsawmna thlentu ni ngei turin duhsakna a hlan a ni.

Vawiina hawn tak Puilo RURBAN Commercial Centre hi Ministry of Rural Development, Government of India in Shyama Prasad Mukherji Rurban Mission (SPMRM) kaltlanga sum an rawn pek hmanga sak a ni a. A satu hi Lyrics Construction Pvt. Ltd. Tuikhuahtlang, Aizawl te an ni. A project hming hi "Construction of Agro Processing Centre & Warehouse at Kawlkulh-Puilo Junction" a ni a, January ni 10, 2022 khan sak tan niin December ni 28, 2022 khan sak zawh a ni a. Khawl chi hrang hrangte hi January ni 10, 2023 khan bun tan niin June ni 10, 2023 ah bun zawh a ni. A building hi IS Code for Seismic Zone-V specifications anga design a ni a, concrete structure atan hian IS Grade 20 (M-20) hman a ni a, Steel Reinforcement Design & bar bending zawng zawng hi IS 456 Design Specifications anga siam a ni.
Building ground floor hi square metre 289 a zau niin Mezzanine floor hi square metre 28 a zau a ni a. Tuivawl Ral CLF ten an enkawl dawn a ni.

Ground floor-ah hian Processing Unit (Sorting, Washing, Grading & Packaging), Controlled Temperature Storage Room (Cold Storage) 1, Hygiene Zone, Grain Storage Room 1, Fruits & Vegetables Storage Room 1, Common Changing Room 1, Men & Women Wash Room 1 ve ve, Kitchen-cum-Restaurant 1, Market Shed, Unloading Dock 2 (fruits - Vegetables), Loading Dock 1 leh vantlang inthiarna hmun a awm a. Mezzanine Floor hi Administrative office atana hman tur a ni.

Puilo RURBAN Commercial Centre-ah hian khawl chi hrang hrang a hnuaia tarlan te hi dah a ni -

1. Rotary Vegetable Washer
2. Inspection Conveyor
3. Conveyor with Hot Air Generator
4. Weighing Scale
5. Carton Strapping Machine
6. Washing Vat with fruit movement arrangement
7. Semi-Automatic Side Cutter
8. Semi-Auto Pineapple Peeling System
9. Fruit Crusher
10. Pulper
11. Weighing Scale 2 - Digital Display (200 kg & 1000G)
12. Hand Refractometer - ERMA (Type B - Range 28-62% & Type C - Range 58-92%)
13. Stainless Steel Collection Vessel
14. Electrically operated Jacked mKettle incorporated with separate Mechanical Agitating System
15. Stainless Steel Transfer Pump
16. Homogenizer (Double Stage)
17. Juice Pasteurizer
18. Semi-Automatic Volumetric Filling Machine (twin head model)
19. Single Head Rotary Screw Type Cap Sealing Machine.
20. Grading & Sorting Machine

Tui dahkhawlna tur Tuizem (syntex) 4 tui litre 2000 theih dawng a awm bawk a, ruahtui dahkhawlna tur RCC tanky tui litre 50,000 dawng siam a ni bawk. Internal leh External Electrification, Sanitary & Water Supply Installation tha takin siam a ni a, 5 KVA Generator dah a ni bawk a, Processing Unit leh Storage vilna tur website development siam a ni a. Overnight Truck Parking Area siam a ni bawk.

Puilo RURBAN Commercial Centre hawnnaah hian Pi Irene Zohlimpuii Chongthu, Addl. Secretary, RD Department, Pu R. Lalthazuala, Director, RD Department leh RD Department official pawimawhte an tel a, Puilo bakah a chhehvel khaw hrang hrang atangin khawtlang hruaitute an tel bawk a ni.

Vawiin inkhawm hi Pi H. Lalchhandami, CEO, MzSRLM in a kaihruai a, Pu Lalthakima Chhangte, BDO, Khawzawl-in technical report a pe a, Puilo VCP Pu K. Lalremruata'n lawmthu sawina hun hmangin a khar a ni.