512/2022-2023
Aizawl, the 17th May 2022: Vawiin Ni khan Assam Administrative College, Guwahati-ah Pu Lalruatkima, Minister of State, RD, LR&S, I&PR, Govt. of Mizoram chu Regional Review Conference - Ministry of Rural Development, Govt. of India in North-East States-a Rural Development Department enkawltu Minister te tana a buatsaihah a tel a. He hun hi Pu Giriraj Singh, Union Minister of Rural Development chuan a kaihruai a ni.

He Regional Review Conference-ah hian Ministry of Rural Development (MoRD) hnuaia scheme leh programme hrang hrang- MGNREGA, PMAY-G, NRLM, DDU-GKY & RSETI, PMGSY leh a dang tea hmalakna sawiho a ni a. State tin te hmalak mekna leh hmachhawp te sawihona leh thlirhona pawh neih a ni.

He hunah hian Pu Lalruatkima, Rural Development Minister pawhin Ministry of RD hnuaia schemes hrang hranga Mizoram hmalak mekna leh hmachhawp te chipchiar takin a sawi a. Ministry of RD hnuaia kawng hrang hranga Mizoram Sawrkarin Central Sawrkar duhsakna a dawn chungchangah te leh hmalakna tur fund tha taka a pek thin avang te pawhin lawmthu a sawi bawk a ni. He hun hi remchanga lain Pu Lalruatkima chuan Rural Development Department hnuaia Mizoram mamawh hrang hrang te a thlen nghal bawk a ni.

Regional Review Conference Pi Sadhvi Niranjan Jyoti, Union Minister of State for RD, Pu Faggan Singh Kulaste, Union Minister of State for RD, North- East States atangin Deputy Chief Minister te leh Rural Development Minister te bakah Central atangin Union RD Secretary leh Senior official te, scheme hrang hrang changtute leh North-East State atangin Rural Development enkawltu Secretary te leh official te an tel a ni.

Pu Lalruatkima, Rural Development Minister hi Pu R. Zarzosanga, Secretary Rural Development, Pi H. Lalchhandami, CEO, MzSRLM leh official pawimawh ten an tawiawm a ni.