No.4452/2021-2022

Aizawl, the 30th March 2022 : Lunglei leh Tlabung tlawha zin mek Rural Development changtu Minister Pu Lalruatkima chuan tukin khan, Cabinet ina a lo pawm tawh bawhzuiin, Tlabung RD Block Office awm theihna hmun tur Tlabung khawtlang hruaitute nen an en ho a. Tun hma SSB Camp hlui, SSB ten an chhuahsan tawh hmun te, Circuit House bul te leh SDO (Civil) office bul ram awm dan leh a rem dan te an enfiah a ni.

Minister chuan a tul anga RD Block Office sak dan tur leh hmalak dan tur a hmunah hian khawtlang hruaitute a sawipui a, a tul anga Sawrkar lam hotute nen hmalak a nih zel tur thu a sawi bawk a ni. Minister hi Rural Development Department atangin Joint Secretary, Under Secretary, BDO Lungsen leh official dangte leh khawtlang hruaituten an tawiawm a ni.