Vawiin chawhnu dar 1.00 khan Rural Development Minister Pu R. Lalzirliana hovin New Secretariat Conference Hall-ah Mizoram State Rural Livelihood Mission (MZSRLM) Governing Body meeting neih a ni a. He meeting-ah hian Annual Action Plan 2012-13 buatsaih tawh chu National Misssion Management Unit chuan tlema belhchhah a nih hnuah a pawmpui tak thu leh  NRLM Empowered Committee thutkhawm hmasak bera pharh theih a nih tawh thu sawilan a ni. Hei bakah hian meeting chuan ramngaw behchhana eizawng tribal hmeichhiate tana hamthatna tura Mahila Kisan Sashaktikaran Pariyojan (MKSP) a ruahman hnuaia project  thehluh tawh chungchang ngaihtuah a ni bawk.

He meeting-ah hian Parliamentary Secretary Pu Lalrinmawia Ralte bakah RD Department te, Horticulture, Agriculture, Social Welfare Department te leh NABARD hotute an tel a ni.