2359/2026-2027

Dated Aizawl the 24th of September, 2026: Vawiin khan RD&AD Minister Prof.Lalnilawma hovin SIDR&PR leh Synod Mission Board (SMB) chuan Mission Development Training Centre(MDTC) a thawkho turin thawhdunna thuthlung Minister office chamber, MINECO-ah an sign.

Prof Lalnilawma chuan SMB leh SIDR in thawhhona an nei thei tur chu lawmawm a tih thu sawiin ram tana thahnemngai taka thawka eizawnna siamtu ni zel turin duhsakna a hlan a.Minister chuan he thawhhona hian rawngbawlnaah kawng zau zawk a siam a beisei thu a sawi a, training hmanga eizawnna pek hi rawngbawlna kawng pakhat tiin eizawnna siamtu ni zel turin theihtawp chhuah a tul a ni a ti.

RD&AD Minister chuan kan eizawnna chuan hmasawnna a siam tur a ni tiin mi thiam te nen training tha leh eizawnna tlak thiamna trainers ten an neih theihnan mawhphurtute theihtawp chhuah turin a chah a,mipuite chawikan nan thawhho zel a beisei thu a sawi.

Thawhdunna thuthlung(MoU) a tarlan tlangpui te chu:

1. Training prog hi MDTC, Bualpui North a kalpui tur a ni
2. Training course module design,question paper set leh evaluation-ah te SIRD in MDTC hi a puibawm dawn
3. SIRD atangin qualified resource person training pe turin a kal ang
4. Training completion certificate course hi Director, SIRD leh Secretary, SMB hminga pek chhuah tur a ni
5. MDTC in training koh leh hmun hma ruahmanna siam mawh an phur ang

Vawiin MoU sign-naah hian Synod Mission Board aiawhte leh SIRD aiawhte an tel a ni.