Nimin (2.11.2016) khan Reang (bru) repatriation road map duansa angin Reang ( bru) Mizoram mi leh sa an nih leh nih loh endik hna Identification chu Kaskau Relief Camp ah tan a ni.

Endik hna kalpuina hmasa berah hian Pi Lalbiaksangi District Bawrshap, Mamit Pu H. Lianzela Additional DC, Nodal Officer ni bawk ten a hmunah an telpui a ni.

Nimin endikna hmasa berah hian Kolasib District atangin dawhkan pakhat leh Mamit District atangin dawhkan pathum 3 siam a ni a, Kaskau camp ah hian Mamit District bik tana endik tur chhungkaw 457 leh Kolasib District atangin chhungkaw 25 awmin an vaiin voters 1147 an ni.

Endik hna hi Identification Team ten uluk taka kalpui a ni a, 1995 E/Rolls database hmanga kalpui niin chhungkaw luber te thlalak leh chhungkaw member zat chuanna computer generated identification slip issue vek tur an ni.

Identification tih hmasakber niah hian chhungkaw 83 endik niin puitling 445 leh naupang 136, an vaiin mi 581 endik tawh an ni. Endik hna hi vawiin (3.11.2016)ah chhunzawm leh a ni.

Endik hna hi District hrang hrang atanga Liaison Officer a ruat ten an thawk a ni.