Vawiin khan Mamit DC Pu K.Lalthawmmawia kaihhruainain DC Conference Hall-ah Reang(Bru) laklet thawh 6-na neih zawh tak thlirletna hun neih a ni.

Pu K.Lalthawmmawia chuan Reang(Bru) laklet thawh 6-naa mawhphurhna leh chanvo nei zawng zawngten thawhhona tha tak nena an mawhphurhna an hlen chhuak chu lawmawm a tih thu sawiin lungrual taka an thawhho zel a beisei thu a sawi.

He Review Meeting-ah hian Reang(Bru) lakletnaa tha thawh department hrang hrang aiawhte telin an mawhphurhna theuh an hlen dan te, an induhkhawp tawk lohnate leh Reang (Bru) laklet leh hun atana rawtnate thlenin an sawiho a ni.

Tarlan tawh angin Reang(Bru) laklet thawh 6-naah khan chhungkua 197, an vaiin mi 1,022, puitling 698, naupang 324 Mizoramah an lo let a ni.