No.3805/2020-2021

Mamit 5th Auguat, 2020 : Vawiin khan Dr Lalrozama, IAS District Bawrhsap chuan Rural Electrification Corporation Limited (REC) Corporate Social Responsibilty (CSR) Fund hmanga, zirna lama Mamit District hmasawnna tur Child Traking Software tlangzarhin Water Filter leh Water Tanky School hrang hranga hman tur a vailiam.

Dr Lalrozama chuan Mamit District chu India rama District hmasawn ngai zual zinga chhiar a nih angin tehfung hrang hrang 49 hmangin thlatin teh thin a ni a. Hmasawnna hna thawhna tur awm angah te thahnem ngai tak leh kan District in hmelthar kan hmuh ngei theihnana thawk turin a chah a. Project hrang hrang hmanga hmasawnna hna thawhna tur tlangzarh tak hmangin Mamit District Aspirational District kan nihna atanga min khaichhuah ngei a beisei thu a sawi bawk.

Mamit District chu Niti Aayog hmalakna Central PSU te atangin CSR hmanga tanpui tur niin REC Ltd nen Education Sector bika hma kan sawn theihnan Rs 8.79 crore a tanpuina tur Memorundum of Agreement ( MoA) sign a lo ni tawh a ni.

Hmasawnna hna thawhna tura inremna zingah Schools with functional Drinking Water, Learning outcome, Transition from primary to upper school leh Transition from upper primary school to secondary te niin Sikul thlanchhuah 144 ah Water tank dah tur niin Sikul 245 ah Water Filter dah a ni bawk ang. Water Tank lei nan hian Rs 20.16 lakh sen niin Water Filter lei nan hian Rs 8.57 lakh ruahman a ni.

REC CSR hnuaia hmalakna ah hian Child Tracking Software kalpui tur niin he project hian a tum ber chu zirlai naupang zawng zawng te an sikul kalna leh insawnnate awlsam taka chhuichhuah zung zung theih turin Child Tracking Software siam tur niin Block Resource Centre (BRC) tinah sikul naupang data te hi web portal hmanga data upload tur a ni. Heng data hi website : childtrakingexp.000webhostapp.com ah en theih tura duan a ni. He child tracking software hi changtlung taka din tur niin hemi atana mamawh hrang hrang lei nan Rs 10 lakhs ruahman a ni bawk.

Vawiin programme-ah hian Pu Lawmawma, DPC Samagra Shiksha leh Pu Beitlotha Nohro, SDC te chuan thusawina an neia, Zirna lama thawktute he hunah hian an tel bawk a ni.