Vawiin khan Mizoram sawrkar hnuaia Secretariat leh Department hrang hranga Record pawimawh tak tak neih mekte vawnhim kawnga mumal zawka hmalak a nih theih nan Mizoram sawrkar hnuaia Under Secretary, Deputy Director (Admin.) leh Superintendent te pualin Record vawn dan a ATI  Auditorium, New Secretariat Complex-ah neih niin, Pu Sangdingliana, I.A.S, Secretary, Art & Culture chuan Training hi a hawng a ni.

Pu Sangdingliana chuan thu sawiin Record hi sawrkar tana pawimawh leh vawnthat tul leh kan
mamawh ngawih ngawih a nih bakah The Mizoram Public Records Act, 2011 leh The
Mizoram Public Records Rules, 2014 in a phut angin Secretariat leh Department hrang hrangah Record Room neih a tul a ni, a ti a.

Hawnna inkhawm hi Pu R. Hmingthanzuala, Director, Art & Culture in kaihruaiin, Pu
K. Lalruala, Dy. Director-in lawmthu a sawi a. Training hun hi Session hnihah thenin Pu F.
Lalthanmawia, Archivist, Mizoram State Archives leh Pu Lalmuanpuia, Supdt. of Archives
ten Record vawn pawimawhna, a kalphungte leh The Mizoram Public Record Act, 2011
leh The Mizoram Public Records Act, 2014 zirho a ni. Training-ah hian Department hrang hrang 51 atangin officer 67 an tel a ni.