Mizoram Football Association leh Mizoram State Aids Control Society (MSACS) tangkawp buatsaih, Red Ribbon Inter Village Football Tournament chu vawiin khan Chanmari leh Durtlang VC ten AR Lammualah Final khelin, Chief Minister Pu Lal Thanhawla chu khuallian a ni.

Chief Minister chuan Mizo thalai ten kawng dik leh tha an zawh phawt chuan sorkarin an tan hma thar a la zel ang, a ti a. Khawvel hriat theiha phochhuah ni turin insum theihte, mahni inthununte leh nun thianghlim neih te a pawimawh a ni a ti a. Kan nun kan inthlahdah avangin HIV hian Mizoram-ah bu a rawn khuar thuk ta hle a, hei hi mitin, abikin thalai ten kan do a, alak a kan fihlim theih nan kan nun kan uluk hle angai ani a ti. Thalai infiammite chu chhung leh pawn lamah sportsman spirit nen invawng reng turin a chah a ni.

Red Ribbon hi HIV dona kawnga hmalakna pakhat a ni a, tun tuma football tournament buatsaih hi HIV dona kawnga hmalakna vawi 3-na a ni. Tuna Football Tournament-ah hian VC 222 in hming an pelut a, finalah hian Chanmari(Aizawl) in Durtlang 2-1 a hnehin chak ber nihna an la a ni.

Red Ribbon Football Tournament Final-ah hian Assembly Speaker, Health Minister, Sports Minister leh Parliamentary Secretaries te an tel a ni.