January ni 27, 2010 a tan, Mizoram mipui ten HIV AIDS natna hlauhawm rak hi kan hriatchian a, a invenna leh dona kawngah mitin mawhphurhna a ni tih kan hriat theuh theih nana Mizoram State Aids Control Society (MSACS ), UNDC leh Mizoram Football Association tena Mizoram pum tana an buatsaih, Red Ribbon Inter Village Football Tournament 2010 chu vawiin khan Assam Rifles Lammualah Chief Minister Pu Lal Thanhawla chuan Final inkhelh chu a khar ta
Kharna inkhawm buatsaihah Chief Minister chuan he ni hi Mizo ten HIV AIDS natna hlauhawmzia kan hriatchian zelna ni pawimawh tak anih thu sawiin, he natna laka kan fihlim a tulzia leh a dona kawngah pawh kan zavaia mawhphurhna anih thu a sawi a. Final inkhel turte chu world class ni thei vek, a hun leh hmunhma kan neih loh vang chauha la nilo an ni tiin, Mizo thalaite tan khawvel thar sorkar chuan siam a tum a ni a ti a. Hemi kawnga chak leh zuala kan kal chhoh theih nan Sports Minister pawhin nasa takin hma ala reng a ni a ti. Chief Minister chuan AR lammual hi cheng vaibelchhe 3 chuang senna tur artificial grass dah anih tur thu a sawi a. Inkhel turte chu an inkhelh chhung mai nilo, an thil tihna tur reng rengah sportsman spirit dik tak nena kal chho zel tura chahin duhsakna a hlan a ni.
Khualzahawm Sports Minister Pu Zodintluanga pawhin thusawiin, Mizote hnam tlemte nimahila khawvel thang zelah natna hrang hrangin min tlakbuak ve zel a. HIV AIDS do tur pawh hian mitinin tih tur kan nei vek a, tumah tlanchhe lova huaisen taka lo hmachhawn hi kan tih tur a ni a ti. He natna in min tihbuai loh nan leh kan fihlim theuh theih nan chakna kan nei a, kan hmeichhia tawk a, kan pa tawk bawk a ni a ti.
Red Ribbon Football Tournament ah hian Village Council 212 in hming pe lutin group 4 ah then an ni a. Group tinah team 54 zel awmin preliminary game ni 12 chhung khelh a ni.Vawiina final match khel te hi Aizawl khawpui chhunga Electric Veng leh Dinthar Veng ten an khel a ni. Pakhatna lawmman hian cheng nuai khat leh Sial a keng a, Pahnihna hian cheng singnga a keng thung a ni.
Kharna inkhawmah hian Pu Guna Shekhar, HIV Adviser, South Asia,UNDC leh Pu Phungreiso Varu, Regional Communication Officer, NACO,North East Regional Office ten thusawina hun an hmang bawk a ni.
Kharna inkhawm hi Health Minister Pu Lalrinliana Sailo in a kaihruai a, Infiammi te leh mipui zawng zawngte thutiam lak tirna a neih pui bawk a ni.
Khualzahawm Sports Minister Pu Zodintluanga pawhin thusawiin, Mizote hnam tlemte nimahila khawvel thang zelah natna hrang hrangin min tlakbuak ve zel a. HIV AIDS do tur pawh hian mitinin tih tur kan nei vek a, tumah tlanchhe lova huaisen taka lo hmachhawn hi kan tih tur a ni a ti. He natna in min tihbuai loh nan leh kan fihlim theuh theih nan chakna kan nei a, kan hmeichhia tawk a, kan pa tawk bawk a ni a ti.
Red Ribbon Football Tournament ah hian Village Council 212 in hming pe lutin group 4 ah then an ni a. Group tinah team 54 zel awmin preliminary game ni 12 chhung khelh a ni.Vawiina final match khel te hi Aizawl khawpui chhunga Electric Veng leh Dinthar Veng ten an khel a ni. Pakhatna lawmman hian cheng nuai khat leh Sial a keng a, Pahnihna hian cheng singnga a keng thung a ni.
Kharna inkhawmah hian Pu Guna Shekhar, HIV Adviser, South Asia,UNDC leh Pu Phungreiso Varu, Regional Communication Officer, NACO,North East Regional Office ten thusawina hun an hmang bawk a ni.
Kharna inkhawm hi Health Minister Pu Lalrinliana Sailo in a kaihruai a, Infiammi te leh mipui zawng zawngte thutiam lak tirna a neih pui bawk a ni.
Attachment
- Loading attachment...
