Mizorama Rural Banking Outreach Programme chungchanga lokal, Reserve Bank of India (RBI) Dy Governor, Dr. Subir Vithal Gokarn chuan nimin tlai khan Chief minister Pu Lal Thanhawla chu a chenna in Mcdonald Hill. Zarkawtah hmu-in inkawmna hun tha tak an nei.

Thu tam tak an sawi zingah Chief Minister chuan Mizoram thingtlang khua tam zawkah bankin hna an la thawh loh avanga a mi cheng ten an chanvo tur awm ang an hmuh thin lo a ni a ti a. Micro financing hi thingtlang mite chhawr tangkai theih chi nia a hriat thu sawiiin, bank la awmlohna hmunah Commercial Bank te hian kan thali lehkhathiam hna neilo te chhawr hian tih dan a awm em tih thu Dr. Subir a thawhpui, RBI Dy Governor ve bawk Pi Usha Thorat lokal tuma alo sawi tawh thu a hrilh a. Tlabung leh Chawngte sub division a sorkar treasury hawn phalna an neih tawh chu RBI atanga Currency Chest phalna la hmuh loh chu tihfel thuai ni thei se tiin Chief Minister chuan alo ngen nghal bawk a ni.