4121/2025-2026

Dated Aizawl, 23^rd January 2026: Ministry of Skill Development & Entreprenuership buatsaih, IndiaSkills Northeast Regional Competition 2025-26, Guwahati University-a neih zawh takah Mizoram team chuan Gold medal 9, Silver medal 3, Bronze medal 3 leh Medallion for Excellence 6 lain hmar chhak state-ah an champion.

Regional Skill Competition hi 19th -22nd January,2026 ah Guwahati University-a neih a ni a, Trade hrang hrang inelna 26- awmin, Mizoram Team-te hian trade 20 ah inelna hmachhawnin hlawhtlinna ropui tak an rawn thlen a ni.

He Regional Skill Competition hi hmarchhak state hrang hrangte thiamna leh kutchhuak fiahna hmunpui a ni a. Mizoram team-te hlawhtlinna hian Mizoram thalaite kutchhuak leh thiamna chu hmarchhak state-ah chauh ni lo, ram pum huap pawhin a sang hle tih a nemnghet.

Mizoram aiawhtute hi LESDE Department-in December 8 - 12, 2025 chhunga Mizoram Skills Competition a buatsaih kaltlanga thlan an ni. Northeast Regional Skills Competition-a winner, Gold leh Silver la te hian  India Skills Competition, National Level-ah Northeast Region ai an awh anga, an tih ṭhat dan a zirin  ‘World Skills Competition’ leh ‘Asian Skill competition’-ah India ai an awh ang.

Mizoram team hian - Electronics, Fashion technology, Floristry, Hairdressing, Hotel reception, Painting and decorating, Restaurant service, Retail sales leh Visual merchandising ah Gold medal; Floristry, Mobile application leh Software category ah Silver medal; Bakery, Restaurant service leh software ah te bronze medal lain, ‘Medalion for Excellence’ hi Cooking, Beauty therapy , Electronics , Graphics designing, Painting leh Hairdressing ah an la a ni.

Lawmman latute:

Gold Medal:

1. Lalremsiama - Electronics

2. Lalbuatsaihi -Fashion Technology

3. Lawmnakima- Floristry

4. Divya Kymari- Hairdressing

5. Vanlallawmi - Hotel Reception

6. Lalruatsanga - Painting and Decorating

7. K.Vanlalremsanga - Restaurant Service

8. Fayek Siddiquey- Retail Sales

9. Lalhriathlui - Visual Merchangdising

Silver Medal:

1. J. Lalrinmaki - Floristry

2. F. Lalramliana - Mobile Application Development

3. Lalrindika Renthlei - Software Application Development

Bronze Medal:

1. Elmada Syuhlo - Restaurant Service

2. Lalhriatkima Hauhnar - Software Application Development

3. Lalruatfela - Bakery

Medallion for excellence:

1. Laldawngliani - Beauty Therapy

2. Lalremruata Ralte - Cooking

3. Abraham Vanlalhriata - Graphic Design Technolpgy

4. Vanlalpeki - Hairdressing

5. Mahfuja Parven - Painting and Decorating

6. Lalmuansanga - Electronics