Vawiin khan Serchhip District chhunga mihring piang leh boral te chhinchhiahtu (Registrar of Births and Deaths) te tan District Research Officer’s Office, Serchhip AOC Vengah Training buatsaih a ni a, Pu Saihlira, Additional Chief Registrar of Births & Death / Director, Economocs & Statistics Department ni bawk chuan khuallian niin he Training hi a hman pui a ni.

Vawiin Training hawnna thusawitu khuallian Pu Saihlira chuan Registrar te chu an mawhphurhna leh an pawimawhna te hrechiang lehzual turin a chah a, ramin hmasawnna tur atana ruahmanna chi hreang hrang a duan te hi mihring piang leh thi zat record behchhana siam anih thin avangin uluk taka an hna an thawh a ngai ani a ti a, Life Expectancy (Mihring damchhung reizawng) chhut na atan pawh an hnathawh hi hman tangkai ber anih thu a sawi.

Khuallian chuan Birth Certificate hi tun hma aiin a pawimawhna a nasa lehzual tawh a ni tih sawiin dik tak leh uluk taka ziak lut (Register) thin turin a chah a, naupiang an ziah luh dawnin an Hming, Pa Hming, Pianni leh thla leh tul dang te uluk taka ziak lut a tihsual nei lo tura fimkhur turin a chah a ni. Tun hma in mi thenkhat ten Birth Certificate tan chhanin diklo taka Electoral Roll a inziah luh nan an hmang thin a, hemi tih tawp nan hian Sawrkar Laipui chuan Birth Certificate a Nationality ziah lan thin chu a titawp a, tunah chuan Birth Certificate hi Electoral Roll a in thun luhna tehfung atan hman theih ani tawh lo a ni a ti bawk.

Nau piang leh Mitthi an awm teng rengin an Pianna/Thihna hmunah Register tur an ni a, damdawiin emaw, khua/veng hrana piang/thi an nih chuan an chenna khua/vengah register nawn loh tur a ni tih sawiin Pu Saihlira chuan Registrar te chu Birth Certificate leh Death Certificate te Register a an ziah luh hma a pechhuak lo turin a chah bawk a ni.

Vawiin Training hawnna inkhawm hi Pu C. Liantluanga, MPE&SS, Serchhip District Research Officer in a kaihruai a, Training a pe nghal bawk a ni.

Serchhip District chhungah hian Registrar of Births & Death 39 an awm a ni.