Vawiin khan Economics & Statistics Department chuan Aijal Club-ah Aizawi District huamchhunga Naupiang & Thi chhinchhiahtu Registrars of Births & Deaths in tan training  an nei a.   Pu Lalrikhuma Sailo, Joint Director, Economics & Statistics leh Pu Thomas Lalrammawia, 1st Class Judicial Magistrate ten he Annual RBD Training hi an hmanpuiin Pi Biakchungnungi, Deputy Director, Economics & Statistics-in training-ah hian a zirtir a ni.

Pu Thomas Lalrammawia, 1st Class Judicial Magistrate i/c RBD chuan Births & Deaths Registration leh Certificate pekchhuah chungchang sawifiahin fimkhur taka kalpui a ngaih thu leh tum loh taka Case neih theihna  a niin hetiang case nei hi an awm nual tawh thu a sawi a chuvangin RBD kalkhawmte chu fimkhur hle tur leh uluk taka thil ti turin a chah.

Vawiin training kaihruaitu Pu Lalrikhuma Sailo chuan Registration of Births & Deaths Act 1969-in a phut angin India rama naupiang (thisa a piang telin) leh mitthi zawng zawng a bo a bang awm lovin chhinchhiah vek tur a nih thu leh Nausen lo piang hlimin Sawrkara chanvo a neih hmasak ber chu a hming leh pian ni chhinchhiah hi a ni a, chumia a mawhphurtute chu vawiina Registrar kal khawmte chu an niin, an mawhphurhna a sang hle a ni a ti.

Pian/Thih atanga ni 21 chhungin awlsam takin engmah chawi ngai lovin Damdawi In a piang chu Damdawi In a Registrar hnenah, In lama piang chu Local Registrar hnenah in register theih a niin Ni 21 a ral hnu, ni 30 a ral hma-in Aizawl District Research Officer (Economics & Statistics) hnenah late fee Rs 10/- leh Certificate man Rs 100/- (a vaiin Rs 110/-) chawia in register theih a ni a, ni 30 a ral hnu, kum khat a ral hma chuan Director, Economics & Statistics hnenah late fee Rs 100/- leh Certificate man Rs 100/- (a vaiin Rs 200/-) chawia in register theih a nih thu Pu Lalrikhuma Sailo chuan a sawi a. Kum khat a ral hnu chuan Aizawi District 1st Class Judicial Magistrate phalna lak hmasak a ngai. Chuvangin ni 21 chhunga awlsam taka tih theih anih laia in register ngeiturinAizawi District mipuite chu a chah a. Birth Certificate hi khua leh tui nihna (Citizenship) chhinchhiahna ni lo mahse, Voter's ID etc. dilna atan thuneituten thiltulaan chhiar si avangin Registrar kalkhawmte chu fimkhur hleturina chah bawk.

Kum khat a ral hnu-a piang leh thi registration tih nan hetiang hian pawisa sen a ngai :

Late fee                                               -         Rs.1000/-

Non-Availability Certificate (NAC)             -         Rs.100/-

Certificate man                                      -         Rs.100/-

Register tawh leh tawh lo zawn man        -         Rs.100/-

(Bu khat/kum khat register)

Total                                                      -          Rs.1300/-

(A tlem berah Rs 1,300/- sen a ngai)

Registration of Births & Deaths Act, 1969 hi Mizoramah chuan kum 1985 atanga hman tan chauh anih avangin hemi hmalama piang/thi te chu Delayed Registration tih a ngai. Delayed Registration-ah chuan sawi tawh angin 1st Class Judicial Magistrate phalna a ngai. A tihdan kalhmang chu Directorate of Economics & Statistics Office-ah zawhfiah theih a ni.

Sawrkar-in hetianga Naupiang & Thi Registration leh Certificate chi hrang hrang lak man a tihpunna chhan hi a hun taka (ni 21 chhung) Naupiang leh Thi Registration ti tura mipuiten kan ngaih pawimawh theihna tur leh Birth Certificate hi India khua leh tui nih chhinchhiahna ni lo mahse, document pawimawh taka hman a nih si avanga Birth Certificate pek loh turte hnena pek a awm lohna tura hmalakna chi khat a ni.

Vawiin training hi nilenga hun hman a niin Technical Session leh Business Session neih chhunzawm a ni.