DIRECTORATE OF INFORMATION & PUBLIC RELATIONS, Government of Mizoram, India

3029/2022-2023

Registration of Births & Deaths Act, 1969 chuan piang emaw, thi emaw an awm chuan dan anga chhinchhiah tir (Register) vek turin India khua leh tui zawng zawngte a phut tlat a ni. Pian leh Thih chhinchhiah (Register) a nih rual hian Birth Certificate /Death Certificate pekchhuah nghal zel tur a ni.

BIRTH REGISTER/BIRTH CERTIFICATE CHUNGCHANG

BIRTH REGISTER DAN / BIRTH CERTIFICATE SIAM DAN

Pian atanga ni 21 chhungin Pianna hmun RBD hnenah report-in (Chhinchhiah/Register tirin) Birth Certificate lak nghal theih a ni a, man chawi a ngai lo. Pian atanga ni 22-30 chhunga Pianna hmun RBD hnenah report-in (Chhinchhiah/Register tirin) certificate a lak nghal theih a, late fee Rs. 10/- leh certificate man Rs 100/- (Total Rs 110/-) chawi a ngai.

Pian atanga ni 31-365 chhung hian thuneitu hnenah permission la-in register theih a ni a, late fee Rs.100/- leh certificate man Rs. 100/- Application form man Rs 20/- (Total Rs 220/-) chawi a ngai. Thuneitu tih hi hetiang hi an ni : AMC huam chhung tan AMC Office, Aizawl District hmun dang tan Directorate of Economics & Statistics, District dang tan mahni District-a Economics & Statistics Office (ADR/DRO) theuh.

Pian atanga kum khat chin chu Delayed Birth Registration [SI No A(V)] a hnuaia sawi angin tih tur a ni.

Note : Hospital-a nau piang tan RBD tih hi Hospital kha a ni nghal, Hospital a nau piang chu an lo register zel avangin a hranpa-in mahni vengchhung RBD hnenah in Register a ngai tawh lo.

DIGITIZED BIRTH CERTIFICATE CHUNGCHANG:

Kum 2022 October thla atang chuan Economics & Statistics Office atanga Birth & Death Certificate pekchhuah chu (Digitized / Computerised) certificate vek a ni tawh a, Digitized Certificate ah hian facsimile signature of issuing authority chuanna QR Code leh Bar Code a awm vek a, RBD signature leh seal a ngai tawh lo. Hei hi India ram pumah pawm vek turin Govt. of India (Ministry of Home Affairs) chuan thu a chhuah tawh a ni.

Birth Certificate nei tawh sa tan a hnuaia sawi hmunah te hian (Digitized /Computerised) Birth Certificate dil theih a ni. Search Fee Rs 100/-, certificate man Rs 100/-, Application Form man Rs 20/- (Total Rs 220/-) chawi a ngai.

1. Aizawl District tan Directorate of Economics & Statistics

2. District dang zawng chu mahni pianna District Economics & Statistics Office (ADR/DRO)

CERTIFICATE A HMING SIAM THAT / ZIAH BELH CHUNGCHANG:

1. Birth Registration/Birth Certificate nei tawh sa-in, a hming siamthat / sap hming / hnam hming /belh/paih etc. a duh chuan a duh ang taka hming ziah tawhna documents attested copy thehlutin siam that sak theih a ni a. Original birth certificate erawh an surrender ngei ngei tur a ni. Search Fee Rs 100/-, certificate man Rs 100/-, Application form man Rs 20/-(Total Rs 220/-) chawi a ngai. Nu leh pa hming siamthat ngai pawh hetiang tho hian kalpui theih a ni. Hming siamthat hi an put zui ngei tur chauh siam that tur a ni.

2. Hming put sa atanga hming dang daiha thlak tur a nih chuan "Deed of Change of Name"

3. Judicial Magistrate 1st Class hnen atanga an lak phawt hnuah siam that sak theih a ni a.

Original birth certificate surrender ngei tur a ni. Nu leh pa hming chu midang hmingin a thlak theih loh.

Note: Original Birth certificate surrender tur nei lo chuan an ti bo/an nei tawh lo ngei tih Police hriatpuina (Police Report) an thil tel a ngai.

RE-ISSUANCE OF BIRTH CERTIFICATE:

Birth certificate tibo/ti chhia/copy dang duh belh te chu office record-a mi ang thlapin pek chhuah leh theih an ni a. Search fee Rs. 100/-, certificate man Rs. 100/- leh Application form Rs 20/- (Total Rs 220/-) chawi a ngai.

DELAYED REGISTRATION OF BIRTH CHUNGCHANG:

Pian atanga kum khat (ni 365) chhunga in register hman lo tan mahni pianna District DC Office atangin Delayed Registration dilna form lakchhuah tur a ni. (DC te hi an district chhunga District Registrar of Births & Deaths an ni)

Form chu dik taka fill up hnu-ah document thil tel ngai te thil tel vekin pianna hmun Registrar of Births & Deaths (RBD) hnenah kalpui tur a ni a, RBD hian form fill up dan a dik leh dik loh te, documents a kim leh kim loh te a check hnu-ah dilpui tlak nia a ngaih chuan Dilpuina (Recommendation) a lo sign sak ang.

Form fill up dan a dik leh dik loh te, documents a kim em tih te vengchhung RBD-in a check hnuah dilpui tlak nia a ngaih chuan Recommendation a hnuaia mi hi a lo sign ang. Chumi hnuah ADR/DRO, Economics & Statistics Office-ah thehluh tur a ni. Aizawl District bik chu Directorate of Economics & Statistics-ah thehluh tur a ni. Office hian documents te chu ngun takin an lo check ang a, record-a a awm leh awm loh an lo check bawk ang a, Office in pek tlak ni a an ngaih chuan Non Availability Certificate (NAC) an lo pe chhuak ang. Birth NAC hi a diltu ngei ADR/DRO office ah kal kher tur a ni a, (kum 60 chunglam leh Disabled Person te erawh chu ngaihhnathiam theih an ni). Application form Rs 20/-, Search Fee Rs 100/- leh NAC fee Rs 100/- Total Rs 220/- chawi a ngai.

Economics & Statistics Office atanga NAC (Non-Availability Certificate) lakchhuah hnuah DC Office-a Executive Magistrate hnenah kalpui leh tur a ni a, documents te ngun taka check leh a nih hnuah Executive Magistrate in pek tlak nia a ngaih chuan Delayed Registration Order a pe chhuak ang. Executive Magistrate-in Delayed Registration Order a pek hnuah ADR/DRO, Economics & Statistics Office-ah, Aizawl District bik chu Directorate of Economics & Statistics-ah Delayed Registration hi tih tur a ni. Registration tih rual hian Birth Certificate pekchhuah nghal a ni ang.

Delayed Registration Fee Rs 1000/- leh Certificate man Rs 100/- chawi a ngai.

DEATH REGISTER/DEATH CERTIFICATE CHUNGCHANG

DEATH REGISTER DAN/DEATH CERTIFICATE SIAM DAN

1. Thih atanga ni 21 chhungin Pianna hmun RBD hnenah report-in (Chhinchhiah/Register tirin) Death Certificate lak nghal theih a ni a, man chawi a ngai lo.

2. Thih atanga ni 22-30 chhunga Pianna hmun RBD hnenah report-in (Chhinchhiah/Register tirin) Certificate a lak nghal theih a, late fee Rs. 10/- leh Certificate man Rs 100/- (Total Rs 110/-) chawi a ngai.

3. Thih atanga ni 31-365 chhung hian Thuneitu hnenah Permission la-in in register theih a ni a, late fee Rs. 100/- leh Certificate man Rs. 100/- Application form man Rs 20/- (Total Rs .220/-) chawi a ngai. AMC huam chhung tan AMC office, Aizawl District hmundang tan Directorate of Economics & Statistics, District dang tan an mahni District-a Economics & Statistics Office theuh.

4. Thih atanga kum khat hnu lam chu Delayed Registration [SI No. B- (IV)] a hnuaia sawi angin tih tur a ni

Note: Hospital-a thi tan RBD tih hi Hospital kha a ninghal a, Hospital in Death Certificate an pe thei vek a, hmun dang atanga lak tur a ni lo. An thih atanga kum 2 a liam tawh erawh chuan office atang khian lak a ngai thung

CERTIFICATE A HMING SIAM THAT CHUNGCHANG:

Death Certificate a hming siamthat ngai a awm chuan siamthat duh dan ang taka hming ziah tawhna documents attested copy thehlutin siam that sak theih a ni a. Original Death Certificate erawh an surrender ngei ngei tur a ni. Search Fee Rs 100/-, Certificate man Rs 100/-, Application Form man Rs 20/- (Total Rs 220/-) chawi a ngai. Nu leh pa hming siamthat ngai pawh hetiang tho hian kalpui theih a ni. Office record-a awm tawh sa mitthi nupui/pasal hming chu midang hmingin thlak ngawt theih a ni lo va, Mitthi nupui/pasal chu chumi chu a ni e tih Court Order a awm chauhin thlak theih a ni.

Note: Original Death Certificate surrender tur nei lo chuan an ti bo/an nei tawh lo ngei tih Police hriatpuina (Police Report) an thil tel a ngai.

RE-ISSUANCE OF DEATH CERTIFICATE:

Death Certificate nei tawh, tibo/ti chhia/copy dang duh belh te chu office record-a mi ang thlapin pek chhuah leh theih an ni a. Search Fee Rs. 100/-, Certificate man Rs. 100/- leh Application Form Rs 20/- (Total Rs 220/-) chawi a ngai.

DELAYED REGISTRATION OF DEATH CHUNGCHANG:

Thih atanga kum khat (ni 365) chhunga in register hman lo tan an thihna hmun District DC Office atangin Delayed Registration dilna form lakchhuah tur a ni. (DC te hi an district chhunga District Registrar of Births & Deaths an ni)

Form chu dik taka fill up hnu-ah document thil tel ngai te thil tel vekin thihna hmun Registrar of Births & Deaths (RBD) hnenah kalpui tur a ni a, RBD hian form fill up chu a dik leh dik loh te, documents a kim leh kim loh a check hnu-ah ADR/DRO hnenah a dilpui ang. Form fill up dan a dik leh dik loh te, documents a kim em tih te vengchhung RBD-in a check hnuah dilpui tlak nia a ngaih chuan Recommendation a hnuaia mi hi a lo sign ang. Chumihnuah ADR/DRO, Economics & Statistics Office-ah thehluh tur a ni. Aizawl District bik chu Directorate of Economics & Statistics-ah thehluh tur a ni. Office hian documents te chu ngun takin an lo check ang a, record-a a awm leh awm loh an lo check bawk ang a, Office in pek tlak ni a an ngaih chuan Non Availability Certificate (NAC) an lo pe chhuak ang. Application form Rs 20/-, Search Fee Rs 100/- leh NAC fee Rs 100/- Total Rs 220/- chawi a ngai.

Economics & Statistics Office atanga NAC (Non-Availability Certificate)lakchhuah hnuah DC Office-a Executive Magistrate hnenah kalpui leh tur a ni a, documents te ngun taka check leh a nih hnuah Executive Magistrate in pek tlak nia a ngaih chuan Delayed Registration Order a pe chhuak ang. Executive Magistrate-in Delayed Registration Order a pek hnuah ADR/DRO, Economics & Statistics Office-ah, Aizawl District bik chu Directorate of Economics & Statistics-ah Delayed Registration hi tih tur a ni. Registration tih rual hian Death Certificate pekchhuah nghal a ni ang.

Delayed Registration Fee Rs 1000/- leh Certificate man Rs 100/- chawi a ngai.