Ni 26.5.2017(zirtawpni) zan khan Reiek Community Hall- Reiek-ah HSLC leh HSSLC hlawhtlinna chang tharte lawmpuina leh chawimawina hun MZP Sub Headquarter Reiek leh Reiek Welfare ten an buatsaih chu Pu Joseph Lalhimpuia Parliamentary Secretary, School Education Dept etc. In a hmanpui.

Khuallian Pu Joseph Lalhimpuia chuan MZP Sub-Headquarter Reiek leh Reiek Welfare ten mi hlawhtling te tana chawimawina leh lawmpuina hun buatsaih nachang an hria chu fakawm a tih thu a sawi a, Zirna lamah kan thang harh chho zel a, Tun hma a kan tih vak ngai loh tunhnai ah hmun tin deuh thaw ah Khawtlangin Zirna lamah mi hlawhtling te chawimawina leh lawmpuina hun an hmang a, hei hian Zirna lam kan ngaih hlut chhoh sawt zia leh hma kan sawn chho zia a ti langin a lawmawm hle a ni a ti. Pu Mahima chuan Reiek khua chu tun hmai-in lehkha thiam tamna khua Sorkar officer lian tak tak te chhuah na khua ti a hriat lar  thin a ni a, chuvang in hemi chhunzawm thei tur hian zirna lamah nasa leh zuala tan la zel turin  a fuih  a, Zirlai hlawhtlinna chang thar te chu a lawmpui thu a sawiin Taima taka Pathian tih chunga zir chho zel turin a chah bawk. Pu Mahima chuan tuna result tha kan neih hi duh tawk mai lovin hei aia result tha neih chho turin tang mar pat turin a chah a, hlawhtlinna chang tur chuan thawhrim a ngaih thu a sawi bawk. Pu Mahima chuan Ramin hma a sawn chho zel a, kan ram chhung ah ngei pawh hna thawh tur tam tak a la awm chho dawn a, a Ram leilung fate ngei in kan thawh theih tur pawh tam tak a la awm chho dawn a, chumi thawk thei tur chuan tun atanga kan inbuatsaih lawk a, lehkha zirna lama kan lo tan nasat a ngai dawn a ni a ti. Tunlai hian Social Media lamah pawh kan thang harh nasa a, heng te hi a tha zawng leh a tangkai zawng a kan hman thiam a pawimawh a, Kan zirlai puitu atan hian tangkai takin kan hmang thei a ni ati. Pu Mahima chuan Zirlai naupang te chu nakin lawk a kan ram hruaitu leh officer lian la ni tur in ni a, chumi nithei tur chuan nun chang a uluk chho a mi hman tlak ni thei turin theih tawp chhuah turin a fuih bawk.

He Programme hi Pu Vanlalmaka, Vice Chairman, MZP Sub-Headquarter Reiek in a kaihruaia, Pu Lalsangzuala President, MZP Headquarter in thu sawina hun a hmang bawk. Zirlai hlawhtlinna chang tharte hnenah lawmpui thil pek hlan an ni bawk. MZP Sub-Headquarter Reiek te hian Pu Joseph Lalhimpuia hnenah hian Lawmthusawina thuziak leh thilpek an hlan a ni.

He hunah hian Reiek khawchhunga NGO pawl hrang hrang hruaitute leh khawtlang mipuite an tel tha hle.