Nimin khan AH & Vety Department Mamit hnuaia Reiek RD Block huamchhunga khaw 13 a chhungkaw 116 te hnenah NLUP 2nd Phase 1st installment pek an ni.
He hun hi Reiek Community hall-ah neih ni in, Dr C. Zarzokima, DVO Mamit chuan NLUP dawngtute hnenah ran insak dan tur leh enkawl dan tur hrang hrang zirtirna pein, dik taka NLUP chu kalpui anih chuan dinchhuahna tur a nih thu hrilhin, diktak leh rinawm taka hmala turin a chah nghal bawk.
Hemi hnu hian NLUP dawngtute hnenah Ran insakna tur (2nd Phase 1st installment) pek chhuah niin, Vawkvultu chhungkaw 56 te hnenah Rs 15000/- theuh pek niin, Broiler vultu chhungkaw 53 te hnenah Rs 20000/- theuh, Zo Bawng (Hill Cattle) vawlhtu chhungkaw 5 hnenah Rs 15000/- theuh leh Bawnglian (Dairy Farming) vawlhtu chhungkaw 2 hnenah Rs 20000/-theuh pek an ni. Nimina NLUP sem chhuah tak hi Rs 20,15,000 a ni.
