Mizoram in Remna leh Muanna a neih kum 25 a tlin lawm nan leh he hun pawimawh tak hriatreng nan Assam Rifles chuan ni sarih chhung awh tur thirsakawr a Mizoram khaw thenkhat zinna (Cycle Expedition) an buatsaih dawn a. Cycle Expedition Team hi Parva (Lawngtlai District) atangin February ni 13, 2012 ah flag off a ni dawn a, State Day February ni 20 ah Aizawl an rawn thleng leh ang.

Cycle Expedition Team ah hian 40 Assam Rifles Lunglei ami officer pakhat leh jawan pakua an tel ang a. Nalabasti, Lawngtlai, Lunglei leh Thenzawl ah te an chawl ang a, heng hmun thenkhatah te hian mi harsa te tan medical camp an buatsaih dawn bakah Sipaia tan dan inhrilhhriatna hun an nei bawk ang.