Remna Ni champha vawi 33 na chu vawiin khan Aizawl Vanapa Hall-ah Chief Minister Pu Zoramthanga hovin hman a ni. He programme hi Pu Lalhmingthanga, Acting Chief Secretary chuan kaihruaiin, Minister, MLA, AMC Mayor leh Councillor te bakah ram hruaitu lo ni tawh thin te an tel tha hle.

Chief Minister chuan India sawrkar leh Mizoramin remna thuthlung an ziah chu kum 33 lai ni tawh mahse thangtharte leh a ngaipawimawhtute thinlungah Remna Ni pawimawhna a la lian zel chu lawmawm a ti a. Remna Ni chu Mizoram tan state ang a Ni pawimawh leh chhinchhiahtlak ber State Day nen a nih kawp thu a sawi. Mizoramah remna leh muanna a awm theih nan kohhran, tlawmngai pawl, political party atang te a nasa taka hma lak a nih thu a sawi a. Remna a lo awm theih nana inbiakna neih chhoh dan te sawiin Chief Minister chuan remna thuthlung chu Pathianin a hun taka Mizo mipui a pek a ni, a ti. Mi tam takin an theihna zawnah theuh hma la in, remna chu tu mimal thawhchhuah avang nilovin, an zavaia an thawhkhawm Pathianin a tih famkim a nih zawk thu a sawi. Pu Zoramthanga chuan hun reiin remna leh muanna hlutzia a hril chhoh zel thu leh, he muanna hi humhim a hmang tangkai turin mitinin an mawhphruhna hre tlang tura a duh thu a sawi.

Vawiin Remna Ni lawmna inkhawmah hian Mizoram Peace Accord ziah a nih tuma Mizoram sawrkar aiawh a hming ziaktu, khatih hunlaia Chief Secretary, Pu Lalkhama hnenah Chief Minister Pu Zoramthanga chuan chawimawina a hlan a. Pu Lalkhama chuan thu sawi nghal in, Zoram mipui zawng zawngin remna an duh avanga Peace Accord chu lo awm a nih thu leh remna Mizoramin a neih theih nana hma lo latu te hlutzia a sawi a ni.

Hun kaihruaitu Pu Lalhmingthanga chuan remna hi mipuiin an hlut zual zel a tul thu leh, a tichhe thei boruak laka venhim hna chu Mizo zawng zawng mawhphurhna a nih thu a sawi a. Central YMA President Pu Vanlalruata leh MKHC atangin Rev. Lianhmingthanga Sailo ten thu sawi bawkin, ramin hma a sawn a tha taka a kal theihna tura bulpui pawimawh ber chu remna a nih thu leh chu remna chu a chawm nungm zel theih nan chuan lungrual taka ram tana thawhho a pawimawh thu an sawi a ni.

Vawiin inkhawm hmang tur hian sawrkar hnathawkte leh NGO hrang hrang atang te an kal khawm