974/2023-2024

Lunglei the 29^th June, 2023 – Lunglei District –a Remna Ni 2023 lawmna kal zelah vawiin khan UD&PA Department hmalaknain Lungle khawpui chhung hmun pathum – Pukpui Centenary Park, Lunglei Park Chanmari leh 3 Gate Lunglawn ah te faina hnatlangpui neih a ni.

Remna Ni 2023 puala Faina hnatlangpui ah hian mi thahnem tak thawk chhuakin 20 Bn BSF leh 3 NH Bn Assam Rifles sipaite; Baptist Higher Secondary School, Government Higher Secondary School, Government Liantawna High School zirlaite; Clean Lunglei volunteer-te leh UD&PA Department thawktute leh official dangte an tel a ni.

Kalkhawmte hian remna leh faina chungchang thutiam an chham rual a, faina hnatlang hi neih chhunzawm a ni:

‘Ka pianna Zoram ah remna leh muanna vawng him zelin, Bawlhhlawh ti tlema hman nawn  theih apiang hmang nawn zel tur in ka intiama, Faina atanga bul tan in ram changkang leh ram hausa siam turin ka intiam e.’