Remna ni champha vawi 25na chu vawiin chaw hma dar 11:00 khan Saikuti Hall ah Rev.H.Lianngaia MKHC chairman kaihhruaina hnuai ah hman ani.He lawmna inkhawm ah hian Rev. Dr. C.L. Hminga chuan Remna kawng zawna tulna chhan chu Remlohna vang a ni a ti a, Rambuai khan Kohhranin United Kristian Peace Committee a din a, kei leh Rev. Dr.H.S. Luaia nen Remna leh muanna a awm theih nan Civil leh India sipai karah palai hna kan thawk ani ati. chumi rahchhuah chu kum 20 hnuah kanhmu ta ani ati. Remna in hma sawn tur chuan Remna leh muanna hi a pawimawh a, chuvangin sawrkar hotute, kohhran hruaitute leh mipuiten remna leh muanna awm theih nan ten ho a ngaih thu a sawi.

Rev. R.Lalrosanga, Secretary, MKHC pawhin thusawiin remna siam tur chuan chan a ngai a, hnungtawlh pawh a ngai a, lei a

kan in rem theih hi a ropui a, Pathian nen in rem thei ila chuan a va ropui dawn em ati.Rev.H.Lalmuanchhana, Venglai Pastor bial(PCI) chuan mihring leh mihring inkarah inremna thlen thei chu Pathian ani, chungnun inchuh hian remthu leng lo remna siamtu nih i tum ang u a ti.Pi M.Zohmingthangi, IAS, DC Lunglei chuan remna leh muanna kawnga susutute leh hmalatute i hre reng ang u remna leh muanna thlentu nih inchuh lovin kan zavaia tih ani ati. Mizoram hi Pathian hriat mi kan ni a, remna siamtu leh thlen tirtu nih i tum ang u a ti bawk. DC hian 'REMNA THUCHAH' tih lehkhabu a tlangzarh nghal bawk ani.He lawmna Prog ah hian Pastor Thangliana Circle Leader in hunserh a hmang a, Major R.Lalchhuana, Divisional Youth Secretary The Salvation Army, Southern Division Lunglei in thu tiam chhamna hun a hmang a, zaithiam Pency, Ramchhana, Bethsy te leh Zaipawl thiam tak tak ten kalkhawm te an awi bawk ani.Tin YMA Sub. Hqrs. leh MCO te leh Rahsiveng leh Chanmari Cultural Troup ten hnam lam an entir bawk.