Vawiin chawhnu dar 1:00 khan YMA Lunglei Sub-Headquarters kaihhruaiin YMA Conference Hall-ah Lunglei District Remna Ni Lawmna Organizing Committee chuan June ni 30, 2016-a Remna Ni Pearl Jubilee lawm dan tur programme duan tawhte chu thlir nawn in an pawm nghal.

Remna Ni lawmna Saikuti Hall-a neih turah hian YMA Lunglei Sub-Headquarters President leh Organizing Committee Chairman ni bawk Pu R. Lalnunthara’n a kaihruai ang a. Rev. Dr. C.L. Hminga chu Khuallian a ni ang. YMA Branch tin ten zing dar 7-ah Remna thuthlung sawi rualna an nei ang a. Royal Knights-te kaihhruaiin Remna Ni lawmna tan hma hian Sethlun leh Pukpui atangin two-wheeler Peace Rally an nei dawn a ni. Remna Ni lawmnaah hian Flag pawhpharh a nih bakah Remna thuchah sawi rual a ni ang a. Political party tin aiawh atangin thusawi tawi ngaihthlak a ni ang. YMA Lunglei Sub-Headquarters huamchhunga Tuiphai, Tawipui, Lungsen, Zobawk leh Vanva YMA Group-ah ten Remna Ni hi an lawm bawk dawn a ni.

Meeting hi Organizing Committee Chairman Pu R. Lalnunthara’n kaihruaiin Sub-Headquarters General Secretary leh Organizing Committee Secretary ni bawk Pu K. Lalfakzuala’n report a pe a. Remna Ni Lawmna Organising Committee hnuaia Sub-Committee hrang hrang atangin report ngaihthlak a ni bawk.

Attachment

  • Loading attachment...