Mamit District sub Hqrs YMA Remna Ni 2016 organising committee tena an lo rel tawh angin Remna ni lawmna atana Photo Exibition IPR leh MJA ten an buatsaih chu vawiin tlai dar 2 khan BRC Hall ah Pi Lalbiaksangi District Bawrhsap chuan a hawng.

Pi Lalbiaksangi chuan Mamit District tana thilchhinchhiah tlak tak tur leh a vawikhatna tur atana Photo Exibition buatsaih a ni chu thil lawmawm tak a ni tiin a tlawhtu zawng zawngte pawhin hlawkna an neih ngei a beisei thu a sawi.

He Photo Exibition ah hian Remna chungchang leh District chhung thlalak chi hrang hrang 200 chuang phochhuah a ni a. July ni 1 thleng tlawh theih a ni ang.

Exibition hi vawiin khan mi 300 chuangin an tlawh nghal a, a tlawhtu te tan visitor note siam a ni bawk.