Vawiin khan High Level Monitoring Committee on Substance Abuse chu Home Minister Office Chamber ah The Mizoram Drug (Controlled Substances) Bill, 2016 chu zir hovin an thukhawm. He Committee Chairman Chief Minister a awm remchan loh avanga a aiawhtu Home Minister Pu R. Lalzirliana kaihhruai thutkhawmah hian Finance Minister Pu Lalsawta, School Education Minister Pu H. Rohluna, Social Welfare Minister Pu P.C. Lalthanliana, Health & Family Welfare Minister Pu Lal Thanzara leh Deputy Speaker Pu R. Lalrinawma bakah member dangte an tel a ni.
Vawiin meeting-ah hian damdawi leh thildang hmansual (abuse) thin, The Narcotic Drugs and Psychotropic Substances Act (NDPS) Act, 1985 leh Drugs and Cosmetics Act, 1940–in chiang taka a huam tel si loh te khuahkhirh theihna tura Draft Bill duan chu zirchiangin an sawiho a. NDPS Act a khirh em avanga damdawi hmansual kaihhnawih case thenkhat Court-a tla thin chu he Bill hi passed anih hnu chuan nasa taka a ziaawm phah ngei beisei a ni. High Level Monitoring Committee on Substance Abuse thutkhawm hmasa ber December ni 7, 2016-a lo neih tawhah Mizoram Drug Control Act chu siam ni se ti a rel niin, Deputy Speaker R. Lalrinmawia kaihruaina hnuaiah Drafting Committee din a ni a. NDPS Act in Dan siam theihna State Sorkar a phalsak chin huamchhungah Mizoram Drug Drug (Controlled Substances) Bill hi uanchhuah a ni a. Vawiin thutkhawm hian ngun taka a zirchian hnu ah aw & Judicial Department-in a lo zirchian a enfiah (vet) turin member en an pawm tlang a ni.
High Level Monitoring Committee-ah hian Social Welfare Minister chu ice-Chairman niin, SWD Principal Secretary chu Member Secretary a ni . Home Minister bakah Health & Family Welfare Department Minister leh ecretary, Excise & Narcotics Department Minister leh Secretary, Law & udicial Department Minister leh Secretary, School Education epartment Minister leh Social Welfare Department atangin Addl. ecretary leh Director te member an ni.