Nimin ni 28.6.2016 (Thawhlehni) khan Pu Lalhmunsanga Hnamte, Addl. DC & District Nodal Officer hovin Aizawl DC Conference Hall-ah Aizawl District chhunga 'Cable TV Digitization' kalpui zel dan chungchangah thutkham a ni. He hun ah hian Aizawl District chhunga Multi-System Operators (MSO), Local Cable Operators (LCO), leh MICODA aiawhte bakah Official-te an tel a ni.
Chairman chuan Set Top Box thar vuah leh a chhia repair chung changa mipute zangkhai zawkna turin instalment a pek leh thlak awlsam dan ruahman turin operator-te a ngen a. Operators te chu MSO/LCO thlang fel thuai tur leh danin a phut anga registration nung lai nei lo zawng zawngin Head Post Master, Aizawl Head Post Office-a tifel nghal tura hriattir an ni bawk.
He thutkhawmah hian Phase-Ill hnuaia December 31, 2015 chu hun tiam a ruat ni mahse tun tun thlenga digitization tihhlawhtlin ala nilo chu a fel loh thu sawi niin, July ni 31 ral hma ngeia Phase-Ill huam chin khua Aizawl, Darlawn, Lengpui, Sairang leh Saitual ah te Analogue Signal tih tawp vek tawh tura rel a ni a. District chhunga khaw dang zawng zawng, Phase-IV in a huam te pawh December 31, 2016 atanga Analogue tihtawp tur a nih avangin Operators zawng zawng inpeih vek tura ngen leh hriattir anni.
Analogue Signal tih tawp a nih hnuah chuan TV signal hi Set Top Box
hmang chauh a hmuh theih a ni tawh dawn a. Amaherawhchu, technical lama MSO ten harsatna an neih avangin Full Encryption/DAS chu thla hnih chhunga tihfel a ni ang.
