Mizo National Front leh India sawrkarin remna thutlung an ziah ni champha "Remna Ni" June ni 30 hi Pathianni ah a tlak avangin Mizoram Sawrkar chuan July ni 1, 2019 (Thawhtanni) ah Remna Ni champha vawi 33-na lawmna neih tur anih thu thupek a chhuah a, a lawmna hi Vana Pa Hall, Aizawl ah July ni 1, 2019  chawhnu dar 2:00 ah tan tur a ni.

Remna Ni lawmna ah hian sawrkar official te zingah Mizoram Secretariat a Deputy Secretary chin chunglam, Directorate hrang hrangah Joint Director chin chunglam, Police Department ah Mizoram Police Service zinga JAG rank chin chunglam, Technical Departments ah Senior Executive Engineer chin chunglam leh Aizawla attached/subordinate office hrang hranga officer JAG chin chunglam te chu tel vek tura hriattir an ni.

Officer a chunga tarlan te zingah Remna Ni lawmna inkhawma tel theilo tur te chuan Chief Secretary, Mizoram hnen atangin phalna an lak hmasak a ngai a ni.