Nimin khan Khawvel pumpui a Damdawi leh a kaihhnawih hmansual leh dan lova tawlh/hralh te Do na ni (International Day Against Drugs Abuse and Illicit Trafficking ) ani a, Mizoram Police Department pawhin he Ni denchhen hian Aizawl leh Champhai-ah te drugs hal ralna hun hmangin, district capital zawng zawngah awareness campaign neih a ni. Mizoram Police chuan Drugs leh a kaihhnawih thilte dap runpui a nei mek a, ruihtheihthil tam tham tak leh hemi thila inhnamhnawi mi engemaw zat man an ni tawh a ni.

Nimin vek khan Aizawl District chhunga Police station leh Special Narcotics PS, Aizawl leh Serchhip District chhunga Police station ten kum 2014 - 2019 chhunga Damdawi/Ruihhlo an man thenkhat te case hrang hrang 24 ami te Court-in ti ral tura atih te Rs. 52.28 lakhs man hu chu Sawrkar halralna(incinerator) hmangin Lungverh ah hal ral ani. He damdawi halralna hun hi Pu Lalhuliana Fanai IPS, SP CID Crime in kaihruaiin, Pu Neihchungnunga, IPS, DIG CID chu khuallian niin a hmanpui a, heng damdawi te hi halral ani :

1) Heroin No.4                      -       1545.68 gm                         -      Rs. 46,37,040.00
2) Ganja                                    -       8.5 Kg.                                 -      Rs. 52,500.00
3) Pseudoephedrine           -       31.731 Kg.                          -       Rs. 5,39,427.00
           Total                                    -       41.77Kg                              -        Rs. 52,28,967.00
 
Champhai District Police te pawhin Champhai-ah Additional District & Session Judge, Pu R. Vanlalena leh Pu Rex Zarzoliana Vanchhawng SP, Champhai te kaihhruaina in Ruihhlo/Drugs an man te Heroin (No.4) - Hawng 178 (2.356 Kg) Rs. 70.80 lakhs leh Ganja - 127 Kg, Rs. 5.17 lakhs man hu an halral bawk ani.
 
He Ni denchhen hian Mizoram District Capital zawng zawngah Anti-Drugs awareness campaign sikul ah leh hmun hrang hrangah neih a ni a, Mizoram Police chuan heng ruihhlo kan ram leh thalai te nun tichhe mektute hi nasa takin a do zel dawn a, sorkar department dang, NGO-te leh mipuite thlawpna leh puihna a ngen bawk ani.