Remna Ni 30th June 2016 Mamit-a hman dan tur ngaihtuahin vawiin khan Dc Conference Hall, Mamitah Remna Ni Organising Committee chu Pu H. Lianzela Addl D.C hovin an thu khawm.

Meeting hian Remna Ni chu Sub Hqrs YMA kaihhruaina in Chhimveng YMA Hall-ah urhsun taka hman nise tiin an rel a, khuallian atan Mamit District Bawrhsap Pi Lalbiaksangi ruat niin, Programme kimchang duan nghal a ni. Mamit khawpui chhunga kohhran hrang hrang ah 26th June ( Pathianni) zanah tawngtai tur leh Remna Ni zing ah dar vawi 30 vuak ni se hei hi kohhran hrang hrangah ngenna siam ni se tih te rel a ni. Hei bakah hian Remna Ni Pual hian Photo Exibition neih ni se, hemi lo buaipui tur hian I&PR leh MJA te ruat an ni a, District Hqr bakah District chhung Group YMA kaihhruaina a hmang ve thei an awm chuan Organising Committee in a tul dan a zirin an senso tur ngaihtuah pui ni se tihte sawiho a ni.

Remna Ni ah hian sorkar hnathawkte leh mipui atam thei ang ber kal turin Organising Committee chuan a sawm a ni.