Mizoram Governor Lt. Gen. Nirbhay Sharma, PVSM, UYSM, AVSM, VSM (Rtd.)  chuan Mizoram State in Remna Ni vawi 31-na a thlen pualin Mizo mipuite  chibai a buk a.

Mizoram Larsap chuan Mizoramin Remna Ni vawi 31-na a thleng thei chu a lawmpuiin Mizo mipuite  thinlung takin chibai a buka, an kal zelna turah pawh duhsakna sang ber a  hlan nghal a ni. “Remna ni lo thlen hian Remna kan neih theihna atana  nunna hial chan ta te i hrereng ang u” Pu Nirbhay Sharma chuan a ti.

Mizoramin remna tluantling leh hlawhtling berte zinga mi a nei thei chu Mipui, Kohhran leh NGO te thawh hona vang a ni, a ti a. Ni 30 June 1986 a remna siam anih hnuah  kum 31 lai alo vei ve ta a, hemi chhung hian hmasawnna nasa tak hmuh theihin a awm a ni, a ti a. 

Mizoram Governor chuan Mizo mipuite chu remna leh muanna chhawr tangkai turin a sawm a, abik takin nakin lawka ram hruaitu tur thalaite chu ruihhlo heng; zu, damdawi hmansual leh vaihlo kaihhnawih ang chi reng reng ah te hian in hnamhnawih lo turin a chah a. Hriselna lama hmasawn zelna atana siam ‘Healthy Mizoram Campaign’ ah nasa zawka in hmang turin a sawm nghal bawk a ni. Larsap chuan Mizo mipuite chu tawrhna nasa tak hnuai atanga hlawhchhuah remna chu hlut thiama vawngnung zel turin a chah nghal bawk a ni.