Vawiin khan ZOFISFED chuan I&PR Auditorium-ah AH&Vety Minister Pu C. Ngunlianchunga hovin an General Assembly vawi 25-na an hmang. 

Khuallian Pu C. Ngunlianchunga chuan kum 2014-a ZOFISFED hnuaia primary society member 22 awm thin chu kum 2017 a lo vei meuh chuan 44 ah a lo pung ta chu hmasawnna duhawm tak nih thu a sawi a. Member ten hna an thawk nasa hle nia a hriat thu sawiin, chutih lai chuan Mizo ten society kan hmelhriat danah duhthu samlo lai a awm thu a tarlang a. Tanpuina dawn beisei vag rigawta society-a tel tum lovin, dinchhuah ngei tumna nen thahnemngai taka tih tak tak na nen thawk turin member kalkhawm te fuihna thu a sawi a. Sorkar pawhin mi taima, a taka hnathawk leh dinchhuah tum te tan hma a lak zel thu leh, mi rinawmlo leh titha peihlo tan dinchhuahna tur a awmlo tih Minister chuan sawiin, mahni hmazawn theuh ah rinawm tak, dik tak leh taima taka ke kan pen theuh chuan kalkhawm te fuihna thu a sawi a ni. 

Fisheries Department Director Pu SP Singh pawhin thu sawiin, Mizorama sangha dil neih zawng zawng chu a vaiin Hectare 5450 a zau niin, mi 19,000 vel sangha man leh hralh in ei zawng mek an awm thu a sawi a. Kum 2020 ah chuan tuna Mizoram sangha thar let a tam tharchhuah tum a nih thu te, sangha chi a intodelh a tul zia leh kum tin Mizoram ah sangha chi nuai zaruk aia tam mamawh a nih thin thu te a sawi a. Central atanga puihna kan dawn te hi tawp hun ala awm dawn avangin keimahni a kan intodelh hi kan tih mamkmawh leh kan tum ber tur a ni, Fisheries Department Director chuan a ti. 

Programme hi session hnih ah then in chawhma leh chawhnu session in then a ni a. Chawhma inkhawm hi ZOFISFED Chairman Pu F Lalnienga’n kaihruai in, chawhny session hi Pu CT Sanga, Vice Chairman, ZOFISFED in a kaihruai a ni. Chawhnu session-ah hian agenda hrang hrang ngaihtuah a, relho a ni a. Fisheries Department atangin Resource Person Lallianpuii, FEO hovin sangha chi chungchangah zirhona hun hman a ni.